«ԶՐՈՅԱԿԱՆ ԿԵՏ»-Ը՝ ԼՈՆԴՈՆԻ ԵՎ ՖՐԱՆԿՖՈՒՐՏԻ ՃԱՆԱՊԱՐՀԻՆ
Նարեկ Մալյանի «Զրոյական կետ» գիրքն արդեն ընթերցողների սեղանին է: Գեղարվեստական վեպն անդրադառնում է մարդկության պատմության ընթացքում կրոնական մոլեռանդության հենքի վրա ձևավորված մահապարտ ահաբեկչության պատմությանը: Փետրվարի 25-ին գրքի շնորհանդեսն էր:
Գիրքը պատմական իրադարձությունների շուրջ ծավալվող վեպ է երեք տարբեր սյուժետային գծերով, որոնք ինչ-որ կետում տրամաբանական միասնության մեջ են հայտնվում: Այդ իրադարձությունները տեղի են ունենում տարբեր երկրներում, տարբեր ժամանակներում և տարբեր քաղաքակրթություններում՝ մահմեդական և կաթոլիկ, սակայն մի կետում միանում են իրար,- ասում է հեղինակն ու դրանով հիմնավորում գրքի վերնագիրը,- որովհետև գրքի մեջ կան 3 բացահայտ և 1 թաքնված զրոյական կետ, որը թողնված է ընթերցողի երևակայությանը»:
«Զրոյական կետ»-ն արդեն թարգմանվել է անգլերեն, մարտին այն ներկայացվելու է Լոնդոնի, իսկ հոկտեմբերին նաև Ֆրանկֆուրտի գրքի միջազգային տոնավաճառներում։