Այն ռիթմը, որով ապրում են մեզանից շատերը, դժվար թե հնարավոր լինի անվանել հանգիստ և հավասարակշռված: Ժամանակի սղությունը, արտակարգ իրավիճակները և ծանր ճնշումը փորձարկումներ են, որոնք ոչ բոլորն են կարողանում հաղթահարել: Անընդհատ «Ես չգիտեմ, թե ինչից սկսել» վիճակում լինելը դժվար թե կարելի է համարել նպատակահարմար, հատկապես երբ խոսքը գնում է անձնական արդյունավետության մասին:

Էմոցիոնալ լարվածությունը արգելափակում է արտադրողականությունը, հանգեցնում է արագ հոգնածության և ապատիայի: Հետևաբար, որպեսզի չլինենք սթրեսի զոհ կամ, նույնիսկ ավելի վատ, քրոնիկ հոգնածության համախտանիշ չունենանք, պետք է ժամանակը ճիշտ կառավարենք:

Բոլոր հաջողակ մարդիկ դա անում են

Բոլոր հաջողակ մարդիկ շատ արդյունավետ են: Նրանք շատ են աշխատում և շատ բան են հասցնում անել, սակայն դա նույն բանը չէ: Արդյունավետությունը, նախևառաջ, նշանակում է արդյունք, այլ ոչ թե գործընթաց: Եթե դուք մտադիր եք բարձրացնել ձեր արտադրողականությունը, ապա հստակ որոշում կայացրեք: Մարդիկ վատնում են ժամանակը, քանի որ նրանք որոշում են շատ աշխատել, բայց  չբարձրացնել իրենց արտադրողականությունը:

Եվ եթե որոշել եք, ուրեմն մի՛ ընկրկեք և կրկնե՛ք այն, ինչ անում են բոլոր հաջողակ մարդիկ, մինչև դա դառնա ձեր երկրորդ բնույթը: Արդյունավետության հիմնական գաղտնիքը ժամանակի ճիշտ բաշխումն է: Ժամանակի կառավարումը կօգնի խուսափել ձեր սեփական բիզնեսի կամ կարիերայի պատանդը դառնալու ճակատագրից:

Պլանավորումը ժամանակ է ազատում

Նրանք, ովքեր հաջողության են հասնում իրենց կյանքում, շատ ժամանակ են հատկացնում պլանավորմանը: Ամենօրյա պլանավորումը անհրաժեշտ է արդյունավետությունը բարձրացնելու և ժամանակն արդյունավետ կառավարելու համար:

Պատշաճ նախնական պլանավորումը կանխում է վատ կատարողականությունը: Պլանավորումը միշտ պետք է կատարվի թղթի օգնությամբ: Եթե նպատակը թղթի հանձնված չէ, ապա այն գոյություն չունի: Առաջադրանքների ցանկը իրենից ներկայացնում է քարտեզ, որը թույլ չի տալիս ձեզ մոլորվել նախատեսված նպատակին հասնելու ճանապարհին:

Երեկոյան պատրաստեք առաջիկա անելիքների ցուցակը: Աշխատանքի գալով՝ միշտ կիմանաք, թե որտեղից պետք է սկսեք ձեր օրը:

Շարունակեք աշխատել կազմված ցուցակի հետ ամբողջ օրվա ընթացքում: Երբ նոր հանձնարարություն է հայտնվում, այն ավելացրեք ցուցակում՝ հաշվի առնելով առաջնահերթությունը:

Յուրաքանչյուր առաջադրանքի համար սահմանեք սահմանված ժամկետ: Իսկ դժվար առաջադրանքը բաժանեք փոքր քայլերի, որպեսզի աստիճանաբար հասնեք նպատակին:

Ամենակարևորը առաջնահերթություններ սահմանելն է

Ժամանակի կառավարման հիմնական գաղտնիքը ուշադրության և կենտրոնացման մեջ է: Սկսեք առաջնային առաջադրանքները լուծելուց և ամեն ինչ արեք հաջորդական, այսինքն`մի որոշակի ժամանակահատվածում կենտրոնացեք մեկ առաջադրանքի վրա: Հանձնարարությունը կիսատ թողելով և կրկին ու կրկին վերադառնալով դրան 5 անգամ պակասեցնում եք ձեր արդյունավետությունը:

Օգտագործեք հարկադիր արդյունավետության մասին օրենքը, որն ասում է, որ ամեն ինչի համար երբեք բավարար ժամանակ չկա, բայց այն միշտ էլ բավարար է ամենակարևորի համար: Հետևաբար կարևոր է կենտրոնանալ և ստիպել ինքներդ ձեզ անել առաջին հերթին այն, ինչը առավելագույն օգուտ և արդյունք կբերի:

Բոլոր գործերը կարելի է բաժանել 4 խմբի՝ համապատասխան հերթականությամբ՝

1. Հրատապ և կարևոր;
2. Կարևոր, բայց ոչ հրատապ;
3. Հրատապ, բայց ոչ կարևոր;
4. Ոչ հրատապ և ոչ կարևոր:

Ի՞նչ է նշանակում «գորտ ուտել»

Հին առակը ասում է. եթե առավոտյան առաջին բանը, որ դուք պետք է անեք, դա կենդանի գորտ ուտելն է, ապա մխիթարական կարող է լինել այն, որ դա ամենավատ բանն է, որ կարող է պատահել ձեզ հետ ամբողջ օրվա ընթացքում:

Գորտը կարելի է համեմատել այսօրվա քիչ հաճելի և կարևոր հանձնարարության հետ: Հետաձգելով այն՝ դուք ստեղծում եք անհարկի հուզական սթրես և անցանկալի հետևանքներ: Պետք է ուղակի կենտրոնանալ և անել դա:

«Ոչ» բառը անսպասելիորեն խնայում է շատ ժամանակ

Սեփական ժամանակը կազմակերպելու համար ամենակարևոր բառը քաղաքավարի «ոչ»-ն է: Սովորեք հրաժարվել և «ոչ» ասել այն գործերին, որոնք ձեր նախընտրած առաջնահերթությունների շարքում չեն: Եղեք ուշադիր և մերժեք այնպես, որ մարդը հասկանա, որ դուք նրան անձամբ չեք մերժում, այլ հանձնարարությունը է:

Բայց արդյունավետ լինելու համար պարզապես ժամանակի կառավարումը բավարար չէ: Կարևոր է վերահսկել ձեր առողջությունը և ձեզ լավ ֆիզիկական վիճակում պահել: Ձեր կյանքը պետք է լինի լիքը, միշտ պետք է լինի ժամանակ ձեր ընտանիքի և հանգստի համար:

Հավասարակշռության հիմնական սկզբունքն է. կարևոր է տանը անցկացրած ժամանակի քանակը և աշխատանքի վայրում անցկացրած ժամանակի որակը:

Դուք և ձեր կյանքի կարևոր մարդիկ միշտ պետք է լինեք առաջին տեղում`հանուն դրա արժե աշխատել ձեր սեփական արդյունավետության վրա: