ՀԱՍՏԱՏՎԵԼ Է ՉԻՆԱՑԻ ԵՐԵԽԱՆԵՐԻ ԴՆԹ-Ի ՓՈՓՈԽՄԱՆ ՓՈՐՁԸ
Պեկինում պաշտոնյաները հայտարարել են, որ չինացի գիտնականի հայտարարությունները ճշմարիտ են, և որ նա իրականում ստեղծել է գենետիկորեն ձևափոխված երեխաներ, խախտելով ԴՆԹ-ի փոփոխության վերաբերյալ մի շարք չինական օրենքներ, հաղորդում է South China Morning Post-ը:
Պարբերականի տվյալներով, գիտնական Խե Ցզյանկույի փորձի արդյունքում, որը որոշ հետազոտողներ «հրեշավոր» են անվանել, ծնվել են գենամոդիֆիկացված զույգ աղջիկներ՝ Լուլուն և Նանան:
Ցզյանկույը հայտարարել է գենամոդիֆիկացված երեխաների ծննդյան մասին, նշելով, որ ձևափոխել է ԴՆԹ-ն երեխաներին ՄԻԱՎ-ի վարակների նկատմամբ դիմացկուն դարձնելու համար, ինչը հանգեցրել է այդ հայտարարության հետաքննությանը:
Ցզյանկույի հայտարարությունը հասարակության մեջ թերահավատություն է առաջացրել, քանի որ նույնիսկ երկվորյակ աղջիկների լուսանկարները չեն եղել: Գիտնականը չի կարողացել իր աշխատանքը հրապարակել գիտական ամսագրում:
Նշվում է, որ նման փորձերն արգելվում են շատ երկրներում, քանի որ դրանք համարվում են ոչ անվտանգ և կարող են հանգեցնել չկանխամտածված, բայց երկարաժամկետ լուրջ հետևանքների:
Ցզյանկույին և նրա աշխատակիցներին կպատժվեն չինական օրենքով:
