7 ՀԱՐՑ. ԷՌՆԱ ԷԼԻԶԲԱՐՅԱՆ
Փորձառու և սիրված հաղորդավարուհի: Դեռ 90 -ականների վերջերից սկսել է աշխատել հեռուսատեսությունում: 2003 թվականից «Արմենիա» հեռուստաընկերության «Ժամը» լրատվական ծրագրի մեկնաբան:
– Ո՞րն է Ձեր նախընտրած մարզաձևը, ինչո՞ւ:– Միանշանակ լողը: Ջրային այս մարզաձևը համարում եմ կենսական անհրաժեշտ հմտություն: Գաղտնիք չէ, որ այն՝ բազմակողմանի ֆիզիկական դաստիարակության, կոփման, առողջության ամրապնդման օգտակար ու լավագույն միջոց է: Տասնհինգ տարվա սեփական փորձից եմ ասում… Լողը նաև բարենպաստ է ազդում շնչառական համակարգի վրա: Լողալու ժամանակ մարզվում են նաև շնչառությանը նպաստող բոլոր մկանախմբերը:
– Ո՞րն է Ձեր նախընտրած օծանելիքը, ինչո՞ւ:– «Cartier panthere»-ը: Ամենանախընտրելի օծանելիքը ինձ համար սա է: Խենթացնող բույր ունի: Մերժում եմ տարածում գտած այն կարծիքը, թե մարդիկ օծանելիք են օգտագործում շրջապատին դուր գալու համար:
– Ձեր նախընտրած բույրը:– Նորածնի բույրը:
– Ձեր նախընտրած ձայնը:– Ծովի մեղմ ալիքների ծփանքը:
– Ինչի՞ց եք ամենաշատը վախենում:– Չգնահատված լինելուց…
– Եթե հանկարծ հրդեհ բռնկվեր, և Դուք հնարավորություն ունենայիք տանից միայն մեկ իր փրկել, ի՞նչը կընտրեիք:– Կյանքից թանկ բան չկա: Հետևաբար, առանց որևէ իրի կամ առարկայի՝ կշտապեի լքել այրվող տարածքը…
– Եթե ընդամենը երեք հոգու ճաշի հրավիրելու հնարավորություն ունենայիք, ովքե՞ր կլինեին Ձեր սեղանակիցները:– Նրանք, ովքեր իմ կյանքի քառուղիներում եղել են կուրորեն ինձ նվիրված, ու մինչև օրս անդավաճան իմ կողքին են մնացել …