ԱՐՄԵՆ ԳԱԼՅԱՆ. 7 ՀԱՐՑ
Հանրահայտ ֆեշն բլոգեր, ոճաբան: Երևանի պայծառ և նորաոճ մարդկանցից մեկը: Բազմաթիվ տեսահոլովակներում և ֆոտոսեսիաներում նկարահանված կերպարների հեղինակ:
– Ո՞րն է Ձեր նախընտրած մարզաձևը, ինչո՞ւ:
– Սպորտային մարդ չեմ: Երբեմն հասցնում եմ յոգայով զբաղվել:
– Ո՞րն է Ձեր սիրելի ավտոմեքենան, վարում ե՞ք:
– Մեքենա չեմ վարում: Էսթետիկ տեսանկյունից սիրում եմ 70-ականների մեքենաների
դիզայնը, հատկապես՝ «Jaguar» մակնիշի:
– Ձեր նախընտրած բույրը:
– Ծովի և թարմ հացի բույրը:
– Ձեր նախընտրած ձայնը:
-«Muse» խմբի վոկալիստ Մեթյու Բելամիի, ինչպես նաև «Placebo» խմբի վոկալիստ Բրայան Մոլկոյի ձայնը: Սիրում եմ նաև Նինա Սիմոնեի ձայնը:
– Ինչի՞ց եք ամենաշատը վախենում:
– Ունեմ վառ արտահայտված հիդրոֆոբիա(վախ ջրից,-խմբ.), այդ իսկ պատճառով էլ չեմ կարողանում լողալ սովորել:
– Եթե ընդամենը երեք հանրահայտ մարդու ճաշի հրավիրելու հնարավորություն ունենայիք, ովքե՞ր կլինեին Ձեր սեղանակիցները:
– Անհնար է, բայց կուզեի իմ հյուրերը լինեին բրիտանացի ռոք երաժիշտ Դեյվիդ
Բոուին, գրող Վլադիմիր Նաբոկովը և ավստրիացի նկարիչ Էգոն Շիլեն: Եթե մեր ժամանակաշրջանի մարդկանցից ընտրեի, ապա հյուրերս կլինեին ֆրանսիացի ռեժիսոր, դիզայներ, երաժիշտ Woodkid-ը, ֆրանսիացի լուսանկարիչ և մոդելավորման մասնագետ Հեդի Սլիմանը, ինչպես նաև երաժիշտ Քրիս Մարտինը: Ու լավ կլիներ,որ նրանք իրենց հետ գինի բերեին:
– Եթե հանկարծ հրդեհ պատահի, և Դուք հնարավորություն ունենաք տանից միայն
մեկ իր փրկելու, ի՞նչը կընտրեք:
– Կարող է տարօրինակ թվալ, բայց իրերից որևէ կախվածություն չունեմ: Դժվարանում եմ պատասխանել:
Լուսանկարը՝ Արտյոմ Նադյոժինի