ԵՐԻՏԱՍԱՐԴԱԿԱՆ ՆՈՐ ՇԱՐԺՈւՄ՝ ԼԱՄՓ (ԼԻՆԵԼՈՎ ԱԿՏԻՎ ՄԻԱՑԻՐ ՓՈՓՈԽՈւԹՅԱՆԸ)
Մարտի 29-ին Ամերիկյան համալսարանում տեղի ունեցավ «Տարածի՛ր մտքիդ երանգը» խորագիրը կրող ԼԱՄՓ (Լինելով Ակտիվ Միացիր Փոփոխությանը) միջոցառումը: Այն իրականացրեցին Երիտասարդները Հանուն Զարգացման հիմնադրամը՝ «Վորլդ Վիժն» Հայաստան միջազգային կազմակերպության ֆինանսական աջակցությամբ:
Միջոցառման ընթացքում Հայաստանի 6 մարզերը և Երևանը ներկայացնող 13 թիմեր ելույթ ունեցան՝ բեմից հնչեցնելով զանազան խնդիրներ և դրանց լուծման տարբերակներ: Յուրաքանչյուր ելույթ տարբերվում էր մյուսներից. մասնակիցները երգում էին, պարում, նվագում երաժշտական գործիքներ, խաղում բեմականացված հատվածներ և պարզապես փորձում խոսքի միջոցով տեղ հասցնել ու տարածել իրանց մտքի երանգը:
Այս ամենին ի պատասխան՝ հանդիսատեսը բարձրացնում էր գույներ, որոնք համապատասխանում էին այն հույզերին, որոնք նրանք ստացել էին ելույթի ժամանակ: