ԲԺԻՇԿ ՆԱԶԱՐՈՎԻ ՀԻՇԱՏԱԿԻՆ
Այսօր լրացավ 20 տարի, ինչ մեզ հետ չէ հայտնի ակադեմիկոս, գիտնական, կոչումով բժիշկ ու պարզապես լավ մարդ Լեմիկ Հունանի Նազարովը։ Բժիշկ, ով երկար տարիներ ապրել, աշխատել և կայացել էր Մոսկվայում, սակայն օրերից մի օր եկել Հայաստան՝ իր հայրենիքում հիմնելու ամբողջ Անդրկովկասում երկրորդը չունեցող լրջագույն գիտահետազոտական կենտրոն, ծառայելու իր երկրին, իր ժողովրդին։
Նա մեզ հետ չէ, բայց այսօր հազարավոր մարդիկ վստահ ժպիտով և բարի խոսքով են հիշատակում նրան՝ թե հարազատները, թե աշակերտները և թե այն բոլոր մարդիկ, ովքեր բուժվել են նրա Աստծուց տված տաղանդի ու ձեռքերի շնորհիվ։ Ու քանի դեռ վառ է հիշատակը, նրա անունը կապրի ու կփոխանցվի սերնդեսերունդ՜ արթնացնելով ժպիտ մարդկանց սրտերում։