7 ՀԱՐՑ. ԼԵՆԱ ՆԱԶԱՐՅԱՆ
Հարցազրույցը տպագրվել է «Ճամփորդ» շաբաթաթերթի՝ 2016 թվականի դեկտեմբերի 8-ին լույս տեսած համարում:
Խորագրի հյուրն է «Քաղաքացիական պայմանագիր» կուսակցության վարչության անդամ, ներկայումս ՀՀ ԱԺ «ԵԼՔ» խմբակցության պատգամավոր Լենա Նազարյանը:
–Ի՞նչ արժեք (կառույց, ավանդույթ կամ մեկ այլ բան) կուզեիք ,հայաֆիկացնելե:-Կուզեի հայերեն թարգմանվեն քաղաքագիտության, տնտեսագիտության, սոցիոլոգիայի, փիլիսոփայության և գեղարվեստական գրականության աշխարհում հայտնի լավագույն գրքերը:
–Եթե Դուք լինեիք Երևանի քաղաքապետը, ո՞րը կլիներ ձեր առաջին հանձնարարականը:-Նույնիսկ մի քանի հանձնարարական կտայի. ժամանակակից տրասնպորտային ցանցի ստեղծում, կանաչ տարածքների վերականգնում, շենքերի կտուրների վրա ինքնաշեն հարկերի, կցակառույցների քանդում, նոր անվճար կայանատեղիների ստեղծում:
–Թվարկեք երեք քայլ, որոնք կնպաստեին հայրենադարձությանը:-Տնտեսական գործունեությամբ զբաղվելու ազատություն, արդարադատության երաշխիք և Ղարաբաղյան կոնֆլիկտի հանգուցալուծում կամ վտանգի նվազում:
–Հայոց պատմության ողջ ժամանակահատվածի 3 ամենալուսավոր կերպարները՝ Ձեր դիտարկմամբ:– Մեսրոպ Մաշտոց, Կոմիտաս, Հրանտ Մաթևոսյան:
–Հայոց պատմության ո՞ր էջը կսրբագրեիք:-Բոլոր այն էջերը, երբ երկրի ղեկավարները իրենց վրա հույսը դնելու փոխարեն ապավինել են հարևան կամ ուժեղ երկրների օգնությանը:
–Ե՞րբ և ի՞նչն է վերջին անգամ Ձեզ զարմացրել:-ԱՄՆ նախագահի պաշտոնում Դոնալդ Թրամփի ընտրվելը:
–Արդյունքի, հաղթանակի հասնելու Ձեր բաղադրատոմսը:-Իմ գործում լինել ավելի լավը, քան երեկ էի:
Զրուցեց Գարեգին Ալեքսանյանը