Արդեն երկրորդ տարին է ինչ Հայաստանի ԱՄՆ շրջանավարտների ասոցիացիան իր անդամների և ԱՄՆ կառավարության ծրագրերի շրջանավարտների համար կազմակերպում է շախմատի մրցաշար։  Այս տարի ևս Պետրոսյանի անվան Շախմատի տանը տեղի ունեցավ  շախմատային հերթական մրցաշարը, այս անգամ՝ ԱՄՆ ծրագրերի և Հայաստանի Ամերիկյան Համալսարանի շրջանավարտների մասնակցությամբ։ Խաղը անցկացվեց շրջանաձև տուրնիրի ձևաչափով։ Երկրորդ տարին անընդմեջ ԱՄՆ շրջանավարտների մրցաշարի հաղթող է ճանաչվում տնտեսագետ, ԱՄՆ կառավարության JFDP ծրագրի շրջանավարտ Արտակ Մանուկյանը։ Մրցաշարի արդյունքում առաջին երեք հորիզոնականները զբաղեցրեցին համապատասխանաբար՝ Արտակ Մանուկյանը, Վահագն Տոնոյանը, Ռուբեն Հարոյանը: