ՇԱԽՄԱՏ. ԱՐԱԳ ԵՎ ԿԱՅԾԱԿՆԱՅԻՆ «ՊԱՏԵՐԱԶՄՆԵՐ» ԲԵԼԳԻԱՅՈւՄ
Այսօր՝ հունիսի 12-ին, Բելգիայի Լյովեն քաղաքում մեկնարկում է «Grand Chess Tour»-ի առաջին սուպերմրցաշարը, որը երկու մասից է բաղկացած լինելու՝ արագ և կայծակնային շախմատի մրցաշարերից: Տասը մասնակիցների թվում է նաև Հայաստանի հավաքականի առաջատար Լևոն Արոնյանը: Մասնակիցների ամբողջական ցանկին կարող եք ծանոթանալ ստորև.
| Շախմատիստ | Վարկանիշ (Արագ շախմատի) | Վարկանիշ (Կայծակնային) |
| Վիշվանաթան Անանդ (Հնդկաստան) | 2822 | 2817 |
| Հիկարու Նակամուրա (ԱՄՆ) | 2813 | 2878 |
| Լևոն Արոնյան (Հայաստան) | 2795 | 2809 |
| Ալեքսանդր Գրիշչուկ (Ռուսաստան) | 2789 | 2831 |
| Անիշ Գիրի (Հոլանդիա) | 2779 | 2799 |
| Մաքսիմ Վաշյե-Լագրավ (Ֆրանսիա) | 2777 | 2837 |
| Շահինյար Մամեդյարով (Ադրբեջան) | 2766 | 2757 |
| Ուեսլի Սո (ԱՄՆ) | 2763 | 2856 |
| Ֆաբիանո Կարուանա (ԱՄՆ) | 2753 | 2818 |
| Սերգեյ Կայակին(Ռուսաստան) | 2743 | 2816 |
Արագ շախմատի մրցաշարը կայանալու է հունիսի 12-14-ը, կայծակնայինը՝ 15-ին և 16-ին: Առաջին մրցաշարում հաղթանակի դեպքում տրվում է 2, ոչ-ոքիի դեպքում՝ 1 միավոր, իսկ արագ շախմատի մրցաշարում հաղթանակի համար 1 միավոր, ոչ-ոքիի դեպքում 0.5 միավոր: Վերջնական հաղթողը որոշվելու է երկու մրցաշարերում հավաքած գումարային միավորների հիման վրա: Մրցաշարի մրցանակային ընդհանուր ֆոնդը կազմում է 150 հազար դոլար: Պարտիաները մեկնարկելու են Երևանի ժամանակով 16.00-ին, ուղիղ հեռարձակմամբ կարելի է հետևել այստեղ:
Ավելացնենք, որ «Grand Chess Tour»-ի հաջորդ մրցաշարերը կայանալու են Փարիզում(հունիս), Սենթ Լյուիսում(օգոստոս) և Լոնդոնում(դեկտեմբեր):
Լուսանկարը՝ grandchesstour.org-ի
Գարեգին Ալեքսանյան
