ԿՆԵՐԿԱՅԱՑՎԻ ԱՅՎԱԶՈՎՍԿՈւ ԵՐԲԵւԷ ՉՑՈւՑԱԴՐՎԱԾ ԿՏԱՎԸ
Մոսկվայի Տրետյակովյան պետական պատկերասրահը շքեղ հոլովակով տեղեկացնում է Հովհաննես Այվազովսկու 200-ամյակին նվիրված ցուցահանդեսի մեկնարկի մասին:
Հանրաճանաչ հայ ծովանկարչի ավելի քան 100 կտավ, 50 գրաֆիկակական աշխատանք է ներկայացված լինելու ցուցահանդեսին: Այս ցուցահանդեսի կապակցությամբ պատմության մեջ առաջին անգամ Տրետյակովյան պատկերասրահը տոմսերի օնլայն վաճառք է իրականացնում:
Ռուսական ՏԱՍՍ լրատվական գործակալության փոխանցմամբ, կցուցադրվեն նաև նկարչի անձնական իրերը, օրինակ անձնագիրը: Իսկ գլխավոր ցուցանմուշը առաջին անգամ ներկայացվվող «Կովկասի ափերին» մեծածավալ կտավն է:
Ցուցահանդեսի բացումը նախատեսված է հուլիսի 29-ին, կշարունակվի մինչև նոյեմբերի 20-ը: Ակնկալվում է, որ ցուցահանդեսը կունենա մինչև 300 հազար այցելու:
Ինչ վերաբերումէ հոլովակին, ապա այն ներկայացնում է նկարչի կյանքի վերջին րոպեները՝ «Թուրքական նավի պայթյունը» կտավի վրա աշխատելիս: Տեսանյութի ընթացքում հնչում է ռուս բանաստեղծ Ֆեոդոր Տյուտչևի ստեղծագործությունը:
Նշենք, որ ՅՈՒՆԵՍԿՕ-ն Այվազովսկու 200-ամյակը ընդգրկել է հիշարժան տարեթվերի 2017 թվականի շարքում:
