Հունիսի 9-ին, Երևանի ժամանակով ժամը 11-13-ը, արտերկրում բնակվող  հայերը «Skype»-ի միջոցով կարող են հարցեր ուղղել ոստիկանության ներկայացուցչին, մասնավորապես, ՀՀ քաղաքացիություն ստանալու, քաղաքացիությունը դադարեցնելու, ՀՀ քաղաքացու անձնագիր և նույնականացման քարտ ստանալու, փոխանակելու, ըստ բնակության վայրի հաշվառվելու, կացության կարգավիճակ ստանալու, ինչպես նաև անձնագրային և վիզաների վարչության գործառույթներին առնչվող այլ հարցերի վերաբերյալ: Այս մասին հաղորդում է «police.am» կայքը:

Ցանկացողները կարող են սկայպում փնտրել և վաղը նշված ժամերին կապ հաստատել հետևյալ  գործածվող անվամբ` «Armenian Police» :

Հարցեր կարելի է ուղարկել նաև press@police.am, dimum@police.am էլեկտրոնային հասցեներին: