ԷԼԻՆԱ ԴԱՆԻԵԼՅԱՆԸ ԿԱՎԱԼԱՅԻ ՄՐՑԱՇԱՐՈՒՄ ՀԱՏՈւԿ ՄՐՑԱՆԱԿԻ Է ԱՐԺԱՆԱՑԵԼ
Հունաստանի Կավալա քաղաքում ավարտվել է շախմատի համանուն խոշոր մրցաշարը, որի A խմբում պայքարում էին 133 շախմատիստ: Նրանց թվում էր նաև Հայաստանի շախմատի կանանց հավաքականի առաջատար Էլինա Դանիելյանը:
Դանիելյանը 9 տուրից վաստակել է 6.5 միավոր և վեց այլ շախմատիստների հետ կիսել է 5-11-րդ տեղերը: Մրցաշարի հաղթողը՝ չեխ գրոսմայստեր Պլայտ Վոյտեխը, վաստակել է 7.5 միավոր: Մրցաշարին մասնակցող կանանց ցանկում Դանիելյանը լավագույն արդյունքն է ցույց տվել՝ արժանանալով հատուկ մրցանակի մրցաշարի կազմակերպիչների կողմից:
Հայ շախմատիստուհին նաև 5 կետով բարելավել է իր անհատական վարկանիշը: Կավալայի մրցաշարի վերջանական աղյուսակին կարելի է ծանոթանալ այստեղ: