ՄԵՆՔ ՀԱՇՎԵՏՈւ ԵՆՔ
Երևանի քաղաքապետարանն ամեն տարի՝ «Մենք հաշվետու ենք մեր համաքաղաքացիներին» կարգախոսով հանրությանն է ներկայացնում մայրաքաղաքում կատարված աշխատանքների հաշվետվությունը: Այդ նպատակով տպագրվում է նաև տարեկան հաշվետվության ամփոփագիրը, որի էլեկտրոնային տարբերակին կարելի է ծանոթանալ Երևանի քաղաքապետարանի պաշտոնական կայքում` այստեղ:
Քաղաքային նշանակության ծրագրերն ուղղված են առաջին հերթին բնակիչների համար առավել հարմարավետ միջավայրի ապահովմանը: «Երևանի բնակիչներն արժանի են քաղաքային լավագույն պայմանների, և մայրաքաղաքի համաչափ զարգացմանն այլընտրանք չկա». հենց այս համոզմունքն է ընկած Երևանի քաղաքապետարանի կողմից մայրաքաղաքում իրականացվող բարեկարգման բոլոր ծրագրերի հիմքում:
2017 թվականի ընթացքում Երևանում իրականացվել են շինարարական և բարեկարգման լայնածավալ աշխատանքներ, ստեղծվել և բարեկարգվել են բակեր, կառուցվել խաղահրապարակներ ու ֆուտբոլի խաղադաշտեր,ասֆալտապատվել փողոցներ, բարեկարգվել մայթեր: Բարեկարգ Երևանին միտված ծրագրերն իրականացվելու են տարվա և Երևանի 5-ամյա զարգացման ծրագրի կտրվածքով: Ստորև ներկայացվում են 2017 թվականին իրականացված ծրագրերը`թվային ցուցանիշներով.
520.300 ք.մ.՝ փողոցների և մայթերի ասֆալտբետոնե ծածկի նորոգում,
228.530 ք.մ.՝ բակային տարածքների ասֆալտապատում,
5250 ք.մ՝ ընդհանուր մակերեսով տարածքների սալիկապատում,
3390 գծմ՝ ընդհանուր երկարությամբ եզրաքարերի նորոգում,
390 մարզասարքի տեղադրում բակերում,
256 բակային տարածքների կառուցում և նորոգում,
137 զրուցարանի տեղադրում բակերում,
66 մանկական խաղերի տեղադրում,
6 մինի ֆուտբոլի խաղադաշտի կառուցում: