ԲՈՂՈՔԻ ԱԿՑԻԱ ԼՈՆԴՈՆՈւՄ. ԹՐԱՄՓԻՆ ՀԱՆԵԼ ԵՆ «ՕԴԵՐՈՎ»
Այսօր ԱՄՆ նախագահ Դոնալդ Թրամփն աշխատանքային այցով գտնվում է Լոնդոնում: Նախատեսված են հանդիպումներ թագուհի Էլիզավետա Երկրորդի և Մեծ Բրիտանայի վարչապետ Թերեզա Մեյի, ինչպես նաև` այլ բարձրաստիճան պաշտոնիաների հետ:
Դեռևս 2017 թվականի հունվարին Թերեզա Մեյը պաշտոնական հրավեր էր ուղարկել Դոնալդ Թրամփին, որից հետո դժգոհության մեծ ալիք էր բարձրացել Մեծ Բրիտանիայում: Բողոքողների հիմնական կարգախոսներն են` «Կանգնեցրե´ք Թրամփին», «Ո´չ ռասիզմին, ո´չ Թրամփին», «Հարգե´ք մարդու իրավունքները» և այլն:
Իր հերթին Դոնալդ Թրամփը հայտնել է, որ իրեն չեն անհագստացնում բողոքի ակիցաները: Ավելին` նա վստահ է, որ մեծ մասը աջակցում է միգրացիայի հարցում իր կոշտ քաղաքականությանը:
Հատուկ ԱՄՆ–ն նախագահի այցին ընդառաջ նախագծվել է «Բալիկ Թրամփ»-ը` հսկա դիրիժաբլը, որի ներքևի հատվածում տակդիր է պատկերված, իսկ ձեռքում` սմարթֆոն: Դիրիժաբլի ստեղծման համար 17 հազար ֆունտ էր հավաքվել դրամահավքի արդյունքում: Այսօր հսկա փուչիկը 2 ժամ շարունակ 30 մետր բարձրության վրա ճախրելու է խորհրդարանի շենքի մոտ, որտեղ Թրամփը հանդիպումներ է ունենալու: Բողոքի ակցիայի կազմակերպիչներից` Լեո Մյուրեյը CNN-ի հետ զրույցում նշել է, որ ահռելի փուչիկը նախագծվել է մեկ նպատակով` «խոսել Թրամփի հետ այն լեզվով, որը նա հասկանում է, այն է` անձնական վիրավորանքը»:
Լոնդոնի քաղաքապետարանը բողոքի ակցիաների թույտվություն է տվել, իսկ քաղաքապետ Սադիք Խանը, ում ծնողները 1970 թվականին Պակիստանից են արտագաղթել Մեծ Բրիտանիա, նշել է, որ այս բողոքի ակցիաները հակաամերիկյան չեն, այլ` լոնդոնցիների արձագանքն է «վախի և հիասթափության քաղաքականությանը»:
Բողոքի ակցիաների պատճառով Թրամփի մնացյալ հանդիպումները տեղափոխվել են Լոնդոնից դուրս: Թագուհու հետ նա հանդիպելու է Վինձորի ամրոցում, իսկ Թերեզա Մեյի հետ` Չեքերս նստավայրում:
Գարեգին Ալեքսանյան