Գյուղ կանգնի գերան կկոտրի կամ… գերարագ ինտերնետ կունենա
Ուելսի գյուղացիները իրենք իրենց համար կարողացել են ապահովել Անգլիայի ամենաարագ ինտերնետը:
Ամեն ինչ սկսվեց փաբում, երբ նյարդայնացան դանդաղ ինտերնետից և որոշեցին խնդրի լուծումը վերցնել իրենց ձեռքը: Պլանը մշակեցին մեկ գիշերվա ընթացքում: Ֆերմերները փորում էին մալուխի համար անհրաժեշտ խրամատանման փոսերը, որոնք ձգվում են մոտ 24 կիլոմետր, իսկ մյուս մասը, օգտագործելով իրենց կարելու հատկությունները, օգնում էին օպտիկական մալուխը ամրացնելու գործում:
Արդյունքում, Մայքլսթոն-ի-Ֆեդս գյուղում ինտերնետի արագությունը 4 մբ/վ-ից դարձավ 100 մբ/վ: Նախկինում ֆիլմը ներբեռնելու համար անհրաժեշտ էր մի քանի օր, իսկ հիմա՝ մի քանի վայրկյան: Անգլիան լայնաշերտ ծածկույթի համաշխարհային սանդղակում գրավեց 35-րդ տեղը: Այս թիմը ներկայումս խորհրդակցում է կառավարության հետ, որպեսզի կարողանա օգնել մյուս գյուղական համայնքներին՝ լուծելու ինտերնետի հետ կապվաած իրենց խնդիրը:
Ամբողջ աշխարհում լայնաշերտ ինտերնետային ծածկույթի պակաս կա հատկապես գյուղական համայնքներում: Իսկ ենթակառուցվածքների պակասի մասին ավելի լավ է լռել: Ի՞նչն է այս գյուղի առանձնահատկությունը: Գյուղացիները հենց իրենք լուծեցին խնդիրը, թախտին նստելու և բախտին սպասելու փոխարեն: Ավելին, առաջարկելով իրենց ծրագիրը կառավարությանը, նրանք կլուծեն երկու այլ խնդիր՝ կապահովեն իրենց աշխատանքով, կօգնեն այլ համայնքներին նույնպես ունենալ գերարագ ինտերնետ:
Թարգմանությունը՝ Տիգրանուհի Գրիգորյանի