ԻՆՉ ՀԱԳՈւՍՏ ԿՐԵԼ ՀՐԴԵՀԻ ԴԵՊՔՈւՄ
Վերջին շրջանում Հայաստանի բնակչությանն ու բնությանը պատուհասած հրդեհների առատությունը հաշվի առնելով՝ «Ճամփորդը» շարունակում է ներկայացնել օգտակար հոդվածների շարք, որոնք կօգնեն ձեզ հրդեհներից առավելագույնս անվտանգ դուրս գալ:
Կրեք պաշտպանիչ հագուստ:
Կարևոր է կրել հագուստ, որը կպաշտպանի Ձեզ կայծերից, ծխացող փայտից և բարձր ջերմաստիճանից: Կարևոր է առավելագույնս ծածկել մաշկը: Խորհուրդ է տրվում անգամ 2 հագուստ հագնել իրար վրա: Խուսափեք կիպ հագուստ կրելուց:
Հագեք
- ազատ հագուստ բնական կտորներից՝ բուրդ, խիտ բամբակ կամ ջինսային կտոր
- երկարաթևք վերնաշապիկներ
- տաբատ
- ամուր կաշվե կոշիկներ առանց ճկվող մասերի (վերցրեք ոչ թե նորը, այլ արդեն կրած, “բացված” կոշիկը)
- բրդե կամ բամբակյա գուլպաներ
- լայնեզր գլխարկ
- հաստ կտորից ձեռնոցներ
- ակնոց աչքերը պաշտպանելու համար
- երեսի դիմակ (ցանկալի է խոնավեցնել այն հնարավորության դեպքում)
Երբեք մի հագեք
- սինթետիկ հագուստ
- մեկ կտորով զգեստ (շորիկ, կամբինիզոնչիկ և այլ թիթիզ բաներ)
- կարճ թևքերով վերնաշապիկ
- շորտեր
- կիսաշրջազգեստ
- սանդալներ, լաստեր
Անտառային հրդեհի դեպքում մինչ տնից հեռանալըը պետք է.
- անջատել գազի, հոսանքի մատակարարումը
- հնարավորության դեպքում ջուրը թողնել, որ հոսի
- վարագուրյները հանել, կահույքը հեռացնել պատուհանների դիմացից
- շատ ջուր խմել ջրազրկումից խուսափելու համար
- ռադիոյի կամ համացանցի միջոցով հետևել պաշտոնական աղբյուրներին