Շուրջ մեկ ամիս ֆուտբոլասերների համար անհավանական տոն է լինելու: Չորս տարվա հետհաշվարկն ավարտվել է և սկսվել է ֆուտբոլի աշխարհի նոր առաջնություն, որն այս անգամ անցկացվում է Ռուսաստանում:

Երեկ` հունիսի 14-ին, Մոսկվայում կայացել է բացման խաղը, որին ավանդաբար մասնակցում է հյուրընկալող երկիրը: Երեկ կայացած խաղում Ռուսաստանը մրցել է Սաուդիան Արաբիայի հավաքականի հետ և տարել ջախջախիչ հաղթանակ` 5:0 հաշվով(մրցավեճի գոլերը կարելի է դիտել այստեղ:

Երևանում ֆուտբոլասերները տարբեր կերպ են նախընտրում վայելել հանդիպումները: Որոշները նախընտրում են տան հանդարտ միջավայրը, մյուսները` հանրային վայրերում դիտումները: Վերջին դեպքի համար հետաքրքիր տարբերակ է նախաձեռնել «Առաջին Հայկական Ճակատը»(First Armenian Front – FAF) «Աջարաբեթ» ընկերության հետ համատեղ: Ֆուտբոլասերները հնարավորություն ունեն երկու մեծ էկրանի վրա դիտել աշխարհի առաջնության խաղերը, տարածքում գործում է 2 x 2 մինի ֆուտբոլի խաղադաշտ(անցկացվելու է առաջնություն), համակարգչային Pes, FIFA խաղերի անվճար առաջնություններ: Ինչպես կազմակերպիչներն են նշում` ստեղծվել է ֆուտբոլային քաղաք(ֆան-զոն), որի տեղկայման վայրը Ռիո մոլի ավտոկայանատեղին է լինելու առաջիկա մեկ ամսվա ընթացքում:

Անվճար ներկարարություն` մրցող թիմերի դրոշների տեսքով:

Տարածքում վաճառվում են ֆուտբոլային ատրիբուտներ:

Մինի ֆուտբոլի հրապարակում եռուզեռ է:

Գարեջուրն և ֆուտբոլը հին ընկերներ են:

Համատեղ դիտում. խաղի էներգետիկան կլանել է մարդկանց:

Գարեգին Ալեքսանյան