ԽԱՂՈՂՕՐՀՆԵՔ ԿԱՄ ԱՍՏՎԱԾԱԾՆԻ ՎԵՐԱՓՈԽՄԱՆ ՏՈՆ
Խաղողօրհնեքը՝ Հայ Առաքելական Սուրբ Եկեղեցու հինգ տաղավար տոներից չորրորդն է։ Նշվում է օգոստոսի 15-ի մերձակա կիրակի օրը (օգոստոսի 12-ից 18-ը)։ Տոնն ունի շաբաթապահք, նավակատիք և մեռելոց։ Սուրբ Աստվածածնի Վերափոխման տոնի ավարտին բոլոր եկեղեցիներում Պատարագ է մատուցվում։
Հայ Տոնն առանձնահատուկ է հեթանոսական ժամանակներից եկող՝ հասունացող խաղողի օրհնության ծեսով: Տոնի օրը, Պատարագից հետո կատարվում է խաղողօրհնեք, որից հետո միայն կարելի է խաղող ուտել։ Այդպիսով օրհնվում է տարվա ողջ բերքն ու բարիքը։
Նույն օրհնված խաղողից՝ օրհնված գինի են պատրաստում, որը մարդիկ՝ որպես լիառատության ապահովման նշան պահում են մինչև հաջորդ տարվա խաղողօրհնեքը։