«Ճամփորդում» ընդունված սովորույթ կա՝ ամեն ինչ միասին անել: Մենք միասին ենք որոշում՝ ինչ թեմաներ ենք գրելու, ում հետ ենք հանդիպել-զրուցելու, որ հետաքրքիր նյութ ստանանք, որ քաղաք կամ գյուղ ենք այցելելու առաջիկայում… Մենք համաձայնեցված աշխատելաոճ ունենք, որին 2 տարուց ավել է հետևում ենք՝ միասին հարցազրույցների գնալուց մինչև թեյ պատրաստելը գործընկերների համար, ցուրտ եղանակին հասցնել տաք ծածկոցն ու քնկոտության պահին առաջարկել՝ «Տեղերդ բացեմ, պառկի»:

«Ճամփորդում» աշխատանքային մթնոլորտից առաջ ընտանեկան միջավայր կա ու հոգի: Արիաննան հաճախ է ասում՝ «Անկախ ամեն ինչից՝ պահպանեք այս ընտանեկան ոգին, հաճախ աշխատեք օֆիսից, դա մտերմացնում է մարդկանց»:

Ինչպե՞ս անել, որ աշխատանքը գումար վաստակելուց առաջ լինի հաճելի զբաղմունք, որ գործընկերների հետ շփումը լինի արդյունավետ և ոչ նյարդայնացնող: Ներկայացնում ենք մի քանի պարզ կանոն, որոնց հետևելով՝ դու կկերտեք լավ հարաբերություններ ձեր գործընկերների հետ:

1. Մի ուշացեք գործից: Պունկտուալ լինելը ոչ թե բարի կամքի դրսևորում է, այլ պատասխանատու վերաբերմունք գործի և գործընկերների նկատմաբ:

2. Մի ուշացեք հանդիպումներից՝ անգամ 5-10 րոպեն կարող է նյարդայնացնել գործընկերներին:

3. Մի սնվեք ձեր աշխատասեղանի մոտ: Դա կարող է ոչ միայն ձեր, այլև ձեր գործընկերների արդյունավետությունն աշխատանքային ժամին, հատկապես եթե հոտավետ ստունդ եք օգտագործում: Խուսափեք ձուկ, սոխ, սխտոր, ձու ուտելուց գրասենյակում. խնայեք գործընկերներին:

4. Հոռետես մի՛ եղեք: «Դա չի աշխատի», «Ինձ մոտ չի ստացվի», «Ես չգիտեմ ինչից սկսել» արտահայտությունները վաղ թե ուշ կստիպեն գործընկերներին խուսափել ձեզնից: Անգամ ամենաանհաջող իրավիճակները փորձեք հօգուտ ձեզ ծառայեցնել:

5. Փնթի լինելը չի խրախուսվում: Ձեր աշխատասեղանը ձեր արտահայտությունն է, այնպես որ առավելագույնս մաքուր պահեք այն: Մի մոռացեք նաև, որ որևէ մեկը պարտավոր չէ հավաքել ձեր թողած ափսեներն ու բաժակները սեղանի վրայից:

6. Պատահական չէ, որ վարելիս արգելված է հաղորդագրություն ուղարկելը: Ապացուցված է, որ միաժամանակ երկու բանի վրա կենտրոնանալ հնարավոր չէ: Ուստի խորհուրդ չի տրվում ձեր տնօրենի հետ հանդիպմանը մտնել հեռախոսով և ընթացքում հաղորդագրություններ ուղարկել. դա պրոֆեսիոնալ չէ:

7. Մեծ տարբերություն կա ակտիվ և աղմկոտ լինելու միջև: Դուք կարող եք ակտիվորեն դրսևորել ձեր կրեատիվությունը, բայց այնպես, որ դա աղմուկի չվերածվի և չխանգարի գործընկերներին:

8. Եթե դուք ցանկանում եք ավելի գեղեցիկ երևալ, կարիք չկա հարդարվել հենց աշխատասեղանի մոտ: Դրա համար լոգարանն ավելի հարմար է:

9. Անձնական զանգեր մի արեք ամբողջ օրը: Հիշեք, որ դուք աշխատավայրում եք: Իսկ աշխատավայրը վայր է, որտեղ պետք է աշխատել:

10. Նյարդային շարժումներ մի արեք՝ մի՛ կտկտացրեք մատիտը սեղանին, անդադար մի շարժեք ոտքը կամ մարմնի որևէ մասը… Եղեք առավելագույնս հանգիստ և հավասարակշված:

Տաթևիկ Սարգսյան