Երևանյան Գունավազք  Yerevan Color Run 2016

Գունավազքը, որը հայտնի է նաև «Մոլորակի ամենաուրախ 5 կմ» անվամբ, սկիզբ է առել 2011 թ. մարտին՝ առողջության և ուրախության տոն ստեղծելու, ինչպես նաև հասարակությանը համախմբելու նպատակով: Առաջին «Գունավազք» միջազգային փառատոնն անց է կացվել ԱՄՆ-ի Արիզոնա նահանգի Ֆինիքս մայրաքաղաքում՝ շուրջ 6000 մասնակիցներով: 2015 թվականից այլ երկրների շարքում «Գունավազքին» միացավ նաև Հայաստանը: Եվ այս տարի հուլիսի 9-ին Կարեն Դեմիրճյանի անվան մարզահամերգային համալիրի դիմաց հավաքված 1000-ից ավել մասնակիցներ կրկին  ստացան իրենց համարները, գունափոշիները, թևնոցները և ժպիտները:

Փառատոնը սկսվեց նախավարժանքով, որն ուղեկցվում էր ռիթմիկ երաժշտությամբ: Մկանները և մարմինը տաքացնելուց, լուսանկարվելուց և գունափոշիներով զարդարվելուց հետո տրվեց վազքի մեկնարկը: Մասնակիցները ուրախ և տաք տրամադրությամբ, նոր ծանոթությունների ակնկալիքով և խենթությամբ հաղթահարեցին այդ 5 կիլոմետրը: Ճանապարհի որոշ հատվածներում վազորդներին դիմավորում էին մեծ քանակությամբ գունափոշիով զինված կամավորները: Գույների աշխարհում մոռանում էիր հոգնածության, քաղցի ու անգամ կիզիչ արևի մասին: ճանապարհի վերջում վազորդներին ուրախ աղաղակներով և մի բաժակ սառը ջրով դիմավորում էին կամավորները: Վազքուղին առաջինը հաղթահարած երեք տղաները և աղջիկները ստացան նվեր-փաթեթներ միջոցառման գլխավոր հովանավոր «Ամերիաբանկի» և հովանավոր՝ «Տիկ Տակ» ընկերության կողմից:

Նշենք, որ «Գունավազքի» նպատակներից մեկն է օգնել Գյումրիում անօթևան երեխաներին: (մանրամասները՝  runarmenia.org )

Գոյ