Ճնշված հոգեհուզական վիճակը վիտամին D-ի պակասի հիմնական նշաններից մեկն է, պնդում են ամերիկացի գիտնականները։

Գուցե մարդիկ, որոնց բոլորը համարում են հոռետեսներ, պարզապես տառապում են այդ վիտամինի պակասից, ինչպես ասվում է Medical Xpress պարբերականում։

Տարեց պացիենտների հետազոտությունները ցույց են տվել, որ մարդկանց օրգանիզմում, որոնք հաճախ են գտնվել ճնշված հոգեվիճակում, վիտամին D-ի մակարդակը միջինը ցածր է եղել 15 տոկոսով։

Ինչպես հայտնի է, վիտամին D-ն օրգանիզմում արտադրվում է արեւի լույսի ներքո։ Արեւի լույսի անբավարարության դեպքում վիտամինի խտությունը նվազում է, ինչն իր հերթին փոխում է հոգեհուզական վիճակը. վատանում է մարդու տրամադրությունը, նա կորցնում է կյանքով ուրախանալու կարողությունը, դառնում է ժլատ զգացումներն արտահայտելու մեջ, ուժեղ դրական էմոցիաներ գրեթե չի արտահայտում։

Գիտնականները խորհուրդ են տալիս ուշադիր հետեւել մերձավորներին։ Երկար ձգվող վատ տրամադրությունը կարող է վիտամին D-ի պակասի ազդանշան լինել։ Մշտական վատ տրամադրության դեպքում նպատակահարմար է անալիզ հանձնել եւ պարզել, թե ինչպիսին է վիտամինի պարունակությունն օրգանիզմում։ Ծանր դեպքերում վիտամին D-ի պակասի պատճառով մարդկանց մոտ կարող է խոր սթրես եւ դեպրեսիա առաջանալ, որոնց հետեւանքները կարող են իսկապես դրամատիկ լինել։