Վահան Պողոսյան
Խորագրի հյուրն է Վահան Պողոսյանը՝ Հայաստանի լավագույն ռոք խմբերից մեկի՝ «Vordan Karmir»-ի վոկալիստը: Վանաձորում ստեղծված խումբը վերջին տարիներին բոցավառ համերգներ է կազմակերպում Երևանում: «Vordan Karmir»-ը ճանաչում է ձեռք բերել նաև Հայաստանից դուրս:
-Ո՞րն է Ձեր նախընտրած մարզաձևը:
– Էքստրեմալ հեծանվասպորտը:
-Ո՞րն է Ձեր սիրելի ավտոմեքենան, արդյոք վարում ե՞ք:
-Վարում եմ տասնհինգ տարի, սիրելի ավտոմեքենա չունեմ: Բայց կուզեի 1967թ. «Ford Mustang» ունենալ:
– Ձեր նախընտրած բույրը:
-Կոնկրետ չկա, կան մի քանիսը:Անձրևից հետո օդի բույրը, ամառային շոգ գիշերներին դաշտի, անտառի բույրը, նոր հնձած խոտի ու նման բաներ:
-Ձեր նախընտրած ձայնը:
– Ռամշթեյն խմբի վոկալիստ Թիլլ Լինդերմանի ձայնը:
-Ինչի՞ց եք ամենաշատը վախենում:
-Սիրելի մարդկանց կորստի հետ համակերպվելուց:
-Եթե ընդամենը երեք հոգու կարող եք ճաշի հրավիրել, ովքե՞ր են Ձեր հյուրերը:
-Մհեր Մկրտչյանը, Եղիշե Չարենցը և Հովհաննես Թումանյանը, իսկ եթե իրենցից որևե մեկը զբաղված լիներ ու չգար, կկանչեի Յուրի Շևչուկին՝ ДДТ ռոք խմբից:
-Եթե հանկարծ հրդեհ պատահի, և Դուք հնարավորություն ունենաք տանից միայն մեկ իր փրկելու, ի՞նչը կընտրեք:
-Տատիցս մնացած որդան կարմիրով ներկված 100 ամյա գորգը: