ՈւՍՈւՄ ԴՈւԲԼԻՆՈւՄ՝ ՔԱՂԱՔԱԳԵՏՆԵՐԻ ՀԱՄԱՐ
Ուսման վարձի ամբողջական փոխհատուցում՝ քաղաքագետ ասպիրանտների համար
Դուբլինի համալսարանի քաղաքագիտության ֆակուլտետը հայտարարում է ուսման վարձի ամբողջական փոխհատուցման մրցույթ՝ աշխարհի տարբեր երկրներից դիմող ասպիրանտների համար: Ֆակուլտետը տարեկան ընդունում է միջինը 5-6 ուսանողի և ամբողջությամբ հոգում է նրանց ուսման վարձը՝ կրթաթոշակների, դրամաշնորհների, դասավանդման և հետազոտական աշխատանքներում նրանց ներգրավելու միջոցով: Ծրագիրը նպատակ ունի պատրաստել փորձառու, լավ տեղեկացված քաղաքագետներ՝ մասնագիտական «առաջնագծում» իրենց պատվավոր տեղը զբաղեցնելու համար: Դիմելու վերջնաժամկետը՝ 2018 թվականի մարտ ամիսն է: Մանրամասներին ծանոթանալ ցանկացողները կարող են այցելել կայք այս հղումով: