ԹԵՅԱԽՄՈՒԹՅՈՒՆԸ ՉԻՆԱՍՏԱՆՈՒՄ
Շրջանառվող լեգենդի համաձայն, թեյը հայտնագործվել է Չինաստանում՝ Ք.ա 2737 թվականին՝ Շեննոնգ կայսեր կողմից: Ու դա եղել է խիստ պատահաբար, երբ թեյի տերևը հայտնվել է կայսեր ձեռքին գտնված եռման ջրով բաժակում: Թեյը համարվում է չին ժողովրդի կողմից առանձնացվող 7 անհրաժեշտ բաղադրիչներից մեկը ( անհրաժեշտ բաղադրիչներ են համարվում` վառելափայտը, բրիձը, ձեթը, աղը, սոյայի սոուսը, քացախը): Չինական թեյը դասակարգվում է՝ կանաչ, ուլոնգ, սպիտակ, սև, դեղին և այլ գույների կատեգորիաների: Դրանցից զատ գոյություն ունեն նաև հոտավետ, սեղմված թեյերի տեսակներ: Թեյախմությունն ու թեյի մատուցման արվեստը մեծ Չինաստանում մեծ տարածում ու նշանակություն ունեն:
Թեյը ստեղծում է խաղաղ ու ներդաշնակ մթնոլորտ: Ի տարբերություն ճապոնականի՝ չինական թեյախմության ընթացքում կարևորը թեյի համն ու բույրն է, թեյի համեմատումը այլ թեյերի հետ, քան թեյախմության բուն արարողությունը: Թեյի արարողության ժամանակ խիստ կարևորություն չի տրվում ծիսակատարությանը, դրա նպատակը՝ թեյի առանձնահատկության գնահատումն ու բացահայտումն է: Թեյախմության պատմության սկիզբն անհայտ է, մոտավոր հաշվարկներով այն ունի 5000 տարվա պատմություն: Հատկապես տաճարներում՝ թեյը սկզբնապես օգտագործվել է իբրև դեղամիջոց : Չինական թեյախմնության արարողությունը բնութագրվում է հետևյալ բառերով. խաղաղություն, հանգստություն, ուրախություն և ճշմարտություն: Վանականները ժամանակի ընթացքում հասկացել են, որ թեյի մատուցման ժամանակ կարող են զուգահեռաբար փոխանցել նաև իրենց փիլիսոփայական գաղափարները:
Ժամանակի ընթացքում թեյախմությունը տարածվել է ամբողջ երկրում: Թեյախմություն էին կազմակերպում ոչ միայն կայսերական ընտանիքները, այլև հասարակ մարդիկ: Թեյախմության զարգացումը մեծապես պայմանավորվում է փիլիսոփայության և մշակույթի տարածման շառավղի ընդլայնման հետ: Առանց կոնֆուցիականության, դաոսականության և ձեն բուդդայականության տարածման՝ այդ զարգացումը չէր լինի: Մարդիկ հաճախ չինական թեյի արարողությունը կապում են դաոսականության հետ, որը շատ մեծ ազդեցություն է ունեցել թեյի արարողության ձևավորման վրա: «Բնության ուղին գոյություն կունենա, ինչ էլ որ լինի», մի առիթով ասել է Լաո Ցզին: Թեյախմությունը այդ «բնական ուղու» անկապտելի մասն է կազմում: Դե, ինչ, չթեյե՞նք:
Գոյ Գեղամյան