«ՏԵՂԱԿԱՆ ԻՆՔՆԱԿԱՌԱՎԱՐՈւՄԸ ՀԱՅԱՍՏԱՆՈւՄ» ԳՐՔԻ ՇՆՈՐՀԱՆԴԵՍԸ
Սեպտեմբերի 6-ին «Գոլդեն Թյուլիփ Երևան» հյուրանոցում տեղի ունեցավ Համայնքների ֆինանսիստների միավորման հրատարակած «Տեղական ինքնակառավարումը Հայաստանում (2015թ.), գիրք 8» գրքի շնորհանդեսը:
Գիրքը հրատարակվել է ԱՄՆ ՄԶԳ կողմից ֆինանսավորվող ՀաՄաՏեղ ծրագրի շրջանակներում և նվիրված է ՀՀ տեղական ինքնակառավարման 2015 թ. բարեփոխումների գնահատմանը:
Շնորհանդեսին հրավիրված էին ՀՀ ՏԿԱԻՆ, տեղական ինքնակառավարման մարմինների, հասարակական և միջազգային կազմակերպությունների ներկայացուցիչներ և անկախ փորձագետներ:
Բացման խոսքով հանդես եկավ Համայնքների ֆինանսիստների միավորման նախագահ Վահան Մովսիսյանը, ով հակիրճ ներկայացրեց գրքի ընդհանուր բովանդակությունը, նախորդ հրատարակչությունները, ինչպես նաև տեղական ինքնակառավարման ոլորտի ամենաարդիական այն խնդիրները, որոնք հեղինակային կազմի կողմից հատուկ ուշադրության են արժանացել: Այնուհետև խոսքը փոխանցվեց հեղինակներին, ովքեր առավել մանրամասն ներկայացրին համապատասխան բաժինները:
