7 ՀԱՐՑ. ՍՏԵՓԱՆ ԴԱՆԻԵԼՅԱՆ
Խորագրի հյուրն է քաղաքագետ, «Համագործակցություն հանուն ժողովրդավարության» կենտրոնի նախագահ Ստեփան Դանիելյանը:
– Ի՞նչ արժեք (կառույց, ավանդույթ կամ մեկ այլ բան) կուզեիք «հայաֆիկացնել»:– Կորպորատիվ մտածողությունը: Մեզ մոտ չկան կորպորացիաներ ոչ միայն բիզնեսում, այլև` քաղաքականության մեջ: Պետության, ինչպես նաև տնտեսության զարգացման հիմքում ընկած է մարդկանց միմյանց հետ համատեղ աշխատելու արվեստը, փոխադարձ վստահությունը և որոշումների ընդունման կանոնները:
– Եթե Դուք լինեիք Երևանի քաղաքապետը, ո՞րը կլիներ ձեր առաջին հանձնարարականը:– Քաղաքաշինության մեջ հստակ կանոնների մշակումը, ինչպես նաև քաղաքի զարգացման փիլիսոփայության ձևակերպումը:
– Թվարկեք երեք քայլ, որոնք կնպաստեին հայրենադարձությանը:
– Սեփականության իրավունքի պաշտպանվածություն, հավասար իրավունքների և հնարավորությունների ապահովում և օրենքի գերակայություն:
-Հայոց պատմության ողջ ժամանակահատվածի 3 ամենալուսավոր կերպարները՝ Ձեր դիտարկմամբ:– Մեսրոպ Մաշտոց, Վասակ Սյունի, Մխիթար Սեբաստացի:
-Հայոց պատմության ո՞ր էջը կսրբագրեիք:– Կարսի անկումը:
– Ե՞րբ և ի՞նչն է վերջին անգամ Ձեզ զարմացրել:-Հայերի պետական մտածողության իսպառ բացակայությունը և անհատական պրիմիտիվ էգոիզմը:
– Արդյունքի, հաղթանակի հասնելու Ձեր բաղադրատոմսը:– Կեղծ սնափառությունից ազատագրվելը և սեփական եսի ստորադասելը ընդհանրական շահերին: