ԱՐԵՎՄՏԱՀԱՅԵՐԵՆՈՎ ՌԵՓ՝ ՍԻՐԱՀԱՐՆԵՐԻ ԱՅԳՈւՄ
Յուրաքանչյուր տարի հունիսի 21-ին Երևանում անցկացվում է երաժշտության տոնը` «Fête de la Musique»-ը: Քաղաքի տարբեր անկյուններում պրոֆեսիոնալ և ինքնուս երաժիշտները հրաշալի տրամադրություն են հաղորդում հանրային տարածքներին:
Այս տարի երաժշտական փառատոնն անց է կացվում Հայաստանում Ֆրանսիայի դեսպանատան հետ համատեղ՝ Ֆրանկոֆոնիայի 17-րդ գագաթաժողովի միջոցառումների շրջանակում։
Տոնական օրվա գլխավոր համերգն այս տարի տեղի է ունենալու Սիրահարների այգում, որտեղ հունիսի 21-ին՝ ժամը 18.30-ից սկսած նախատեսվում է «Cօllectif Medz Bazar» խմբի համերգը: Խումբը ստեղծվել է 2012 թվականին, Փարիզում: Խմբում ներկայացված են հայկական, թուրքական, ֆրանսիական և ամերիկյան մշակույթները ներկայացնող երաժիշտներ: Մուտքն ազատ է:
«Cօllectif Medz Bazar» խմբի ուրախ և գունեղ ստեղծագործություններից որոշներին կարող եք ծանոթանալ ստորև.
Գարեգին Ալեքսանյան