ՇԱԽՄԱՏԱՅԻՆ ԲԱԶՄԱՄԱՐՏ ԺՆԵՎՈՒՄ
Շվեյցարիայի Ժնև քաղաքում մեկնարկած ՖԻԴԵ-ի «Գրան Պրի» մրցաշարի 3-րդ փուլին 18 շախմատիստ է մասնակցում: «Գրան Պրի»-ին անցկացվում է 9 տուրով՝ 100 րոպե 40 քայլի համար + 50 րոպե 20 քայլի համար + 15 րոպե բոլոր քայլերի համար + 30 վայրկյան հավելումով՝ սկսած առաջին քայլից ժամանակակարգով։ Հուլիսի 11-ը մրցաշարում հանգստյան օր է հայտարարված։ 3 տուրից հետո մրցաշարային աղյուսակը 2․5 միավորով գլխավորում է Տիմուր Ռաջաբովը։ Արոնյանը, Հարիկրիշնան, Մամեդյարովը, Ադամսը, Էլյանովն ու Գրիշչուկը 2-ական միավորով կիսում են 2-7-րդ տեղերը։ Լրացուցիչ ցուցանիշներով, սակայն, Լևոնը 2-րդն է։
Ի դեպ, մեծ շախմատ վերադառնալու և ներկայացուցչական մրցաշարերի մասնակցելու ցանկություն է հայտնել աշխարհի 13-րդ չեմպիոն Գարի Կասպարովը: Հիշեցնենք, որ նա 2005 թվականի մարտի 10-ին էր հայտարարել պրոֆեսիոնալ շախմատից հեռանալու մասին։ Կասպարովը մտադիր է մասնակցել օգոստոսի 14-18-ը «Grand Chess Tour»-ի շրջանակներում ամերիկյան Սենտ Լուիս քաղաքում անցկացվելիք արագ և կայծակնային շախմատի մրցաշարերին։
ՖԻԴԵԻ ԴԱՍԱԿԱՐԳՄԱՆ ԹԱՐՄԱՑՎԱԾ ԱՂՅՈՒՍԱԿԸ
Մագնուս Կարլսեն – 2822
Վլադիմիր Կրամնիկ – 2812
Ուեսլի Սո – 2810
Լևոն Արոնյան – 2810
Ֆաբիո Կարուանա -2807
Շահրիյար Մամեդյարով – 2801
Հիկարու Նակամուրա – 2792
Մաքսիմ Վաշիեր-Լագրավ -2791
Վիշվանաթան Անանդ – 2783
Լիրեն Դինգ – 2780