7 ՀԱՐՑ. ՌԻՄԱ ՊԻՊՈՅԱՆ
Խորագրի հյուրն արվեստագետ, խորեոգրաֆ, «Պարարվեստի զարգացման կրթամշակութային հիմնադրամ»-ի տնօրեն Ռիմա Պիպոյանն է:
– Ի՞նչ արժեք (կառույց, ավանդույթ կամ մեկ այլ բան) կուզեիք «հայաֆիկացնել»: – Ինչը հայն է ստեղծում, հայկական է արդեն, ինչը ոչ՝ պետք չի «հայաֆիկացնել»:
– Եթե Դուք լինեիք Երևանի քաղաքապետը, ո՞րը կլիներ ձեր առաջին հանձնարարականը: – Վերականգնել Երևանի հին կառույցները: Երևանը ողողել արվեստի գործերով:
– Թվարկեք երեք քայլ, որոնք կնպաստեին հայրենադարձությանը:– Լավ վարձատրվող աշխատանք, հեռանկարային ծրագրեր, զարգացած պետությունների հետ հավասար մրցակցություն:
– Հայոց պատմության ողջ ժամանակահատվածի 3 ամենալուսավոր կերպարները՝ Ձեր դիտարկմամբ: – Գրիգոր Նարեկացի, Կոմիտաս, Անանիա Շիրակացի:
-Հայոց պատմության ո՞ր էջը կսրբագրեիք: – Ամբողջ միջնադարը:
– Ե՞րբ և ի՞նչն է վերջին անգամ Ձեզ զարմացրել: – Ամեն օր զարմանում եմ:
– Արդյունքի, հաղթանակի հասնելու Ձեր բաղադրատոմսը:– Աշխատասիրություն, նպատակասլացություն, ճկունություն, կամք, հավատ, տաղանդ…