Ռուսական թատրոնում ռեկորդ է գրանցվել

Ռուսաստանի Դաշնության մշակույթի նախարար  Վլադիմիր  Մեդինսկին   նախագահ Պուտինի  հետ հանդիպման ժամանակ նշել է, որ 1991 թվականից հետո ռուսական   մշակույթում, մասնավորապես՝ թատրոններում և կինոթատրոններում բացարձակ   ռեկորդ   է գրանցվել : Մեդինսկու վստահեցմամբ՝  2016 թվականին թատրոն է հաճախել 38 մլն մարդ:

Ղրիմի դեմ պատժամիջոցների կիրառման  ժամկետը երկարացվել է

Եվրոպական  միության  գործընկերներից  5-ը՝ Վրաստանը, Ուկրաինան, Մոնտենեգրոն,  Ալբանիան  և Նորվեգիան՝  Ղրիմի  դեմ պատժամիջոցների  կիրառման  ժամկետը  երկարացրել են  մինչև  2018  թվականը: Հիշեցնենք, որ ԵՄ-ն արգելել էր Ղրիմ  արտահանել  մի շարք ապրանքատեսակներ  և Ղրիմում  արտադրված  ապրանքների ներկրման արգելք էր սահմանել:

Բեզոսի մեկօրյա հայտնությունը «Forbes» -ում

Ամերիկյան  «Amazon»  ընկերության  գործադիր  տնօրեն  Ջեֆ  Բեզոսին ընդամենը մեկ օր  է  հաջողվել մնալ  աշխարհի  ամենահարուստ  մարդկանց  կարողությունը գնահատող  «Forbes»-ի  «The   World’s   Billionaires»  վարկանիշային  ցանկի առաջին  հորիզոնականում:  Բիլ Գեյթսին հաջողվել է առավելագույնս կարճ ժամանակահատվածում հետ  վերադարձնել  կորսված դիրքը:  Բեզոսի  կարողությունը  կրճատվել  է 543  մլն դոլարով  և գնահատվում է 88,7 մլրդ դոլար, մինչդեռ Գեյթսի կարողությունը կազմում է 89,8 մլրդ:

Rolls-Royce»-ի նոր մեքենան

Մեքենաշինական «Rolls-Royce» ընկերությունը  ներկայացրել է   նոր՝ «Phantom»   դասի տեխնիկապես   ամենաառաջադեմ  մոդելը, որն ունի  460 000 դոլար արժողություն:   Ընկերության  վստահեցմամբ  այն  աշխարհի ամենաանաղմուկ մոդելն է:

Օդրի Հեփբըրնի հուշարձանը

Բելգիայի Իկսել  շրջանի փողոցներից  մեկում  շուտով  կկանգնեցվի կանացիության   համաշխարհային  խորհրդանիշ  Օդրի Հեփբըրնի հուշարձանը: Վայրի ընտրությունը պայմանավորված է նրանով, որ Օդրին ծնվել և կյանքի առաջին 10 տարին այնտեղ է անցկացրել: