Նյու Յորքում ռեկորդային գնով հայկական ատլաս է վաճառվել
Աշխարհի ամենահազվագյուտ անձնագիրը
Աշխարհում ամենահազվագյուտ անձնագիրը՝ Մալթայի միաբանության կողմից տրամադրվող անձի ինքնության վկայականն է: Վերջինս համարվում է աշխարհի հնագույն ասպետական միաբանությունը( այն հիմնադրվել է 1048 թվականին): Նման անձնագիր ունեն Հռոմի կաթոլիկ եկեղեցու կրոնական կարգի մեծ մագիստրոսը, Մեծ կոմանդորը և Մեծ կանցլերը: Մի շարք երկրներ, այդ թվում՝ ԱՄՆ-ն, Մեծ Բրիտանիան, Նոր Զելանդիան, Նիդերլանդները և Ֆինլանդիան, չեն ճանաչում ինքնության այս վկայականը: Հակառակ դրան,որոշ երկրներ էլ, ինչպես օրինակ Ռուսաստանը, դիվանագիտական հարաբերություններ են պահպանում միաբանության հետ: Իտալիայի և Մալթայի տարածքներում տեղակայված Մալթայի միաբանությունը՝ ՄԱԿ-ում և Հյուսիսային Եվրոպայում ունի դիտորդ կազմակերպության կարգավիճակ:
Նյու Յորքում ռեկորդային գնով հայկական ատլաս է վաճառվել
Նյու Յորքի «Swann Galleries» աճուրդի տանը հունիսի 7-ին վաճառքի ներկայացված իրերի երկու երրորդը բաժին է ընկել քարտեզներին և ատլասներին: Դրանց թվում է եղել նաև հայալեզու մի ատլաս, որն իր նախնական 6000 դոլարը արժեքը գերազանցել է ավելի քան 5 անգամ` վաճառվելով 37 000 դոլարով: Քարտեզը ստեղծվել է 1849 թվականին՝ Վենետիկի Սուրբ Ղազար կղզու հայկական վանքում` Հովհաննես Ամիրա Դադյանի կողմից: Ատլասը կազմված է ձեռագիր 2 էջանոց 10 քարտեզից, որոնցից մեկը ներկայացնում է արեգակնային համակարգը: Բոլոր քարտեզները հետագայում տպագրվել են Փարիզում:
Արևելյան Հալեպը բնակեցվում է
Հակամարտող կողմերի հաշտեցման կենտրոնի պետ, գեներալ-մայոր Վլադիմիր Սավչենկոյի տեղեկացմամբ՝ Արևելյան Հալեպ է վերադարձել մոտ 70000 մարդ, որից 40 հազարը՝ երեխաներ: Վերսկսվել է բնակելի թաղամասերի էլեկտրա- և ջրամատակարարումը,ինչը թույլ է տվել ավելի քան 16.000 ընտանիքի վերադառնալ իրենց տները: Սավչենկոն հավելել է նաև, որ Հալեպի բնակիչները ՌԴ-ից բացի, օգնություն են ստացել Հայաստանից, Բելառուսից, Ադրբեջանից և Սերբիայից:
Հեղաշրջման փորձից հետո Թուրքիայում 55 մարդ ինքնասպան է եղել
Թուրքական «Էվրենսել» պարբերականի տեղեկացմամբ՝ 2016թ.-ի հուլիսի 15-ի հեղաշրջման փորձից հետո Թուրքիայում հայտարարված արտակարգ դրության պայմաններում մինչ օրս հուսահատությունից դրդված ինքնասպան է եղել աշխատանքից զրկված 55 քաղաքացի։ Հիշեցնենք, որ 2016-ի հուլիսի 15-ին Թուրքիայում տեղի էր ունեցել ռազմական հեղաշրջման փորձ,որին հաջորդել էին ձերբակալությունները երկրի զինված ուժերում և այլ կառույցներում, հայտարարվել էր արտակարգ դրություն:
Լեոնարդո դի Կապրիոն «Օսկար» -ը վերադարձրել է իրավապահներին
Հոլիվուդյան հայտնի դերասան Լեոնարդո դի Կապրիոն նվեր ստացած «Օսկար» արձանիկը հանձնել է ֆինանսական յուրացումների գործի հետաքննությամբ զբաղվող իրավապահներին: Բանն այն է, որ ԱՄՆ արդարադատության նախարարությունը ապօրինության մեղադրանք է ներկայացրել «Red Granite Pictures» պրոդյուսերական ընկերությանը, որը Մալայզիայի պետական ներդրումային հիմնադրամից յուրացված միջոցներով է ֆինանսավորել Դի Կապրիոյի մասնակցությամբ նկարահանված «Ուոլլ սթրիթի գայլը» ֆիլմը: Նկարահանման դիմաց պրոդյուսերները Դի Կապրիոյին որպես նվեր հանձնել էին 1954թ. Մառլոն Բրանդոյի շահած «Օսկար» արձանիկը: Դերասանի ներկայացուցչի հավաստմամբ՝ արձանիկից բացի Դի Կապրիոն քննիչներին է փոխանցել այլ իրեր ևս:
Կատվի միս՝ ճագարի փոխարեն
Չինական Ցզյուցզյան քաղաքում ձերբակալվել է տանը մոտ 500 կատու պահող մի տղամարդ: Ոստիկանությունը ենթադրում է, որ կենդանիներին մտադիր են եղել վաճառել ռեստորաններին՝ ճագարի մսի փոխարեն: Կատուների անհետացման մասին ոստիկանությանն առաջինը տեղեկացրել է հանցագործի հարևանը: Դեպքի վայր ժամանած ոստիկանները հայտնաբերել են վանդակներում պահվող հարյուրավոր կատուների: Հարևանի տեղեկացմամբ՝ տղամարդն առևանգել է ոչ միայն փողոցային, այլև տնային կենդանիների, ինչն էլ անհանգստացրել է տեղացի բնակիչներին: Ձերբակալվածը մտադիր է եղել յուրաքանչյուր կատվին վաճառել մոտ 30 յուանով (4,4 դոլար):