Արցախում «Ճամփորդ» հիմնադրամի կազմակերպած «Լրագրողը որպես օբյեկտիվ հենասյուն՝ օնլայն և օֆլայն պատերազմական իրավիճակներում» խորագրով սեմինարի մասնակիցներն այցելեցին Ասկերանի շրջանում տեղակայված զորամաս: Այցելության պահին զորամասի ֆիզիկական պատրաստության անցկացման հատվածում մարզվում էին դեռևս «կարանտինում» գտնվող զինվորները` կատարելով համալիր վարժություններ: Նրանք շուտով դառնալու են 6 ամսվա ծառայողներ և մեկնելու են արձակուրդ, որից հետո առաջին անգամ բարձրանալու են մարտական դիրքեր, որտեղ ֆիզիկական պատրաստվածությունը, դիմացկությունը չափազանց կարևոր է: Տղաները մկանները տաքացնող վարժություններից հետո՝ երկաթաձողի հետ «պայքարի» մեջ մտան:

Զորամասի մեկ այլ հատվածում, արդեն բավական փորձառու զինվորները մարտական դիրքի նմանությամբ կառուցված տարածքում դիրքում տագնապի հնարավոր լուծումներն էին ցուցադրում:

Լուսանկարները և տեքստը՝ Գարեգին Ալեքսանյանի