ՆԱԽԱԳԱՀԱԿԱՆ ՆՍՏԱՎԱՅՐԻ ԱՅԳԻՆ ԲԱՑ Է ՔԱՂԱՔԱՑԻՆԵՐԻ ՀԱՄԱՐ (ՖՈՏՈՌԵՊՈՐՏԱԺ)
Ճիշտ է` այն բաց է միայն կիրակի օրերին, այն էլ` ժամը 12.00-ից մինչ 19.00-ն… այսուհետ յուրաքանչյուր շաբաթվա վերջին Հանրապետության նախագահի նստավայրի հարակից տարածքն և այգին բաց կլինեն քաղաքացիների համար, որոնք կարող են բացահայտել, զբոսնել Երևանի կենտրոնական հատվածում գտնվող նստավայրի բակում:
Ինչ խոսք, շատերի համար այն կլինի իսկական բացահայտում. չէ՞ որ նույնսիկ նստավայրի հասցեի հետ կապված կա խառնաշփոթ: Մի մասը դեռ կարծում է, որ նախագահական նստավայրն այս պահին Բաղրամյան 26-ում է, մինչդեռ այն գտնվում է Մաշտոցի պողոտայի 47 հասցեում, պարզ ասած` Մատենադարանի հարևանությամբ, հայկական տառերով հայտնի պարսպի հետևում:
«Ճամփորդն» երեկ այցելել է նախագահական նստավայր, որպեսզի ֆոտոխցիկով ֆիքսի, թե ինչպես են սովորական քաղաքացիները բացահայտում մի նոր, հետաքրքիր տարածք Երևանում: Հաջորդ կիրակի օրը սեպտեմբերի 16-ին է, բաց մի թողեք… տարածքն ունի մի փոքր սառը, բայց նաև հաճելի մթնոլորտ:
Մուտքի դարպասները վերջապես բաց են:
Ուրախ տրամադրությամբ:
Քաղաքացիները նստավայրի բակում և այգում:
Այգու տարբեր հատվածները:
Նստավայրը և նստավայրի գեղեցիկ պատշգամբը:
Նախագահականի բակից կարելի է տեսնել ԽՍՀՄ տարիներին սիրված, «Հաղաթանակի» զբոսայգում գտնվող «Արագիլ» սրճարանի(այժմ չգործող) գլխամասը:
Գարեգին Ալեքսանյան