ԿՐԹԱԹՈՇԱԿ՝ ՊԵԿԻՆՈւՄ ՍՈՎՈՐԵԼՈւ ՀԱՄԱՐ
«Ճամփորդը» ներկայացնում է մեթոդական օգնություն՝ ուսումնական ծրագրերով հետաքրքրվողներին:
Ճամփորդական էսսեի մրցույթ
Stampways Travel»-ը հետաքրքիր մրցույթի առաջարկ է անում: Լրացրեք հայտը և «Ինչպես կբացահայտեի աշխարհը ճամփորդելով» թեմայով էսսե գրեք անգլերենով: Հաղթողը կստանա մեկամսյա ճամփորդական փաթեթ՝ իր իսկ նախընտրած ուղղությամբ: Հայտերն ընդունվում են մինչև 2018 թվականի մարտի 29-ը: Մանրամասներին կարող եք ծանոթանալ պաշտոնական կայքում:
Կրթաթոշակային ծրագիր Պեկինում
«Schwarzman Scholars» կազմակերպությունն իր կրթաթոշակային ծրագրով նպատակ ունի պատրաստել գալիք սերնդի բիզնեսմենների, քաղաքական և քաղաքացիական հասարակության առաջնորդների, որոնք կծառայեն որպես կամուրջ՝ Չինաստանի և աշխարհի միջև: Ծրագրին կարող են դիմել բակալավրի կամ մագիստրոսի կոչում ունեցող ուսանողները: Կրթաթոշակային ծրագիրը փոխհատուցում է ուսման վարձը, երկկողմանի ճանապարհածախսը, ճամփորդական ծախսերը Չինաստանում, անհրաժեշտ գրքերի և գրենական պարագաների ծախսերը, Լենովո հեռախոսի և նոթբուքի ծախսը, կյանքի ապահովագրության ծախսը: Հայտերն ընդունվում են մինչև սեպտեմբերի 28-ը: Մանրամասներին կարող եք ծանոթանալ պաշտոնական կայքում այստեղ:
