«ՍԿՈԼԼ» ԿՐԹԱԹՈՇԱԿ՝ ՕՔՍՖՈՐԴՈւՄ ՍՈՎՈՐԵԼՈւ ՀԱՄԱՐ
«Ճամփորդը» ներկայացնում է մեթոդական օգնություն՝ ուսումնական ծրագրերով հետաքրքրվողներին:
«Սկոլլ» մագիստրոսական կրթաթոշակ
«Սկոլլ» կրթաթոշակը՝ Օքսֆորդի համալսարան ընդունվող արտասահմանցի ուսանողներին մրցակցային հիմունքներով շնորհվող կրթաթոշակ է: Ուսման վարձն ամբողջությամբ ծածկելուց զատ, այն նաև տարեկան 8,000 ֆունտ ստեռլինգ հավելյալ գումար է տրամադրում կենսապահովման ծախսերը հոգալու համար: Հայտերի ընդունման վերջնաժամկետը՝ սեպտեմբերի 29-ն է: Մանրամասներին կարելի է ծանոթանալ պաշտոնական կայքում:
«Գրան Պրի» լուսանկարչական մրցույթ
Լեհական «Վիզուալ» կրթական հիմնադրամն ընդունում է «Գրան Պրի» լուսանկարչական մրցույթի 2017 թվականի հայտերը: Մրցույթի մասնակցության համար չկան թեմատիկ, տարիքային և աշխարհագրական սահմանափակումներ: Առաջին տեղի համար սահմանված մրցանակի չափը՝ 10,000 լեհական զլոտի (մոտ 2,500 եվրո) է: Հայտերի ընդունման վերջնաժամկետը՝ նոյեմբերի 26-ն է: Մանրամասներին ծանոթանալու համար ցանկացողները կարող են այցելելհիմնադրամի պաշտոնական կայք: