«ԽՈՍՏՈւՄԸ» ԴՐԱՄԱՆ ՏՈՐՈՆՏՈՅՈւՄ
Քըրք Քըրքորյանի նախաձեռնությամբ նկարահանված և Հայոց ցեղասպանության մասին պատմող «Խոստումը» ֆիլմի պրեմիերան կկայանա Տորոնտոյի Միջազգային կինոփառատոնի շրջանակներում: Ըստ մասնագետների՝ «Խոստումը» դրաման կարող է ներկայացվել ամենահեղինակավոր կինոմրցանակի՝ «Օսկարի»:
Ֆիլմի պրեմիերան, որը պատմում է Օսմանյան կայսրությունում Հայոց ցեղասպանության տարիներին ծագած սիրո պատմության մասին, տեղի կունենա սեպտեմբերի սկզբին՝ Տորոնտոյի 41-րդ կինոփառատոնի ժամանակ:
Ֆիլմի ռեժիսորն է «Ռուանդա հյուրանոց» ֆիլմը նկարահանած օսկարակիր Թերի Ջորջը: Ֆիլմի սցենարիստն է Ռոբին Սուայքորդը:
Ֆիլմի սյուժեն կառուցվում է սիրո եռանկյունու շուրջ: Գործողությունները տեղի են ունենում Օսմանյան կայսրությունում Հայոց ցեղասպանության տարիներին: Գլխավոր դերերում են այնպիսի աստղեր, ինչպիսիսք են՝ Քրիստիան Բեյլը, Օսկար Այզեկը և Շառլոտա Լը Բոնը: Ֆիլմում նաև նկարահանվել են ան Ռենոն, Ջեյմս Կրոմվելը և Անժելա Սարաֆյանը:
Ֆիլմը կինոէկրաններին կլինի 2016 թվականի դեկտեմբերից:
Աղբյուրը՝ The Wrap