Ի՞նչ անել խոնավ ու անձրեւային եղանակին բացի թեյ խմելուց ու տաք անկողնում պառկելուց: Առաջարկում ենք մի քանի հետաքրքիր տարբերակ՝ ձեր հանգստյան օրերը լավագույնս կազմակերպելու համար:

1. Գնալ լուսանկարելու

Լավ եղանակ, բարձր տրամադրություն եւ տեսախցիկ՝ վերցնում եք այս երեքն ու դուրս գալիս քաղաք լուսնկարելու: Գեղեցիկ տներ, գեղեցիկ մարդիկ, փողոցներ, այգիներ, շատրվաններ, ծաղիկներ՝ կարելի է լուսանկարել ամեն ինչ: Իսկ հետո արդեն կարելի է թերթել նկարներն ու վերհիշել ձեր զգացողությունները:

2. Քաղաքից դուրս գալ

Ծանր աշխատանքային շաբաթվանից հետո դուք արժանի եք բնության մեջ ձեր հանգիստը վայելելուն: Խմբով կամ մենակ, ընկերների կամ ընտանիքի անդամների հետ նստեք մեքենան եւ գնացեք քաղաքից դուրս: Այս սեզոնին հատկապես Լոռիի, Տավուշի մարզում բնությունն իսկական հրաշքներ է գործում: Կարող եք այցելել Գյուլագարակի դենդրոպարկ, կամ զբոսնել Դիլիջանի անտառներում, այցելել անմատչելի լեռներ ու լճեր:

3.Նայել լավ ֆիլմեր

Եթե որոշել եք հանգստյան օրերն անցկացնել ֆիլմեր նայելով, ապա ավելի լավ է սկզբի համար ուսումնասիրեք նոր ֆիլմերի ու սերիալների հավաքածուն եւ ընտրեք ձեզ հոգեհարազատը: Սա կարելի է անել բազկաթոռին հարմարավետ տեղավորված, կամ ընկերների հետ կինոթատրոն այցելելով:

4. Ստեղծագործել խոհանոցում

Երբեմն երես տվեք սիրելիին՝  ուսումնասիրեք հետաքրքիր բաղադրատոմսեր եւ զարմացրեք նրան: ԱՄբողջ շաբաթ արագ պատրաստվող սնունդ ուտող մարդիկ հաստատ կգնահատեն ձեր «առատաձեռնությունը»: J

5. Նվիրել վիքենդը հենդմեյդին

Ազատ օրերին կարելի է սեփական ձեռքերոով ինչ-որ բան պատրաստել: Անուշաբույր օճառ կամ մոմ, շնորհավորական բացիկներ կամ հուշանվեր-տիկնիկներ… Ազատություն տվեք ձեր երեւակայոությանն ու պատրաստեք այն, ինչ միշտ երազել, բայց երբեք չեք արել:

6. Բարեգործություն անել

Այցելել մանկատաան երեխաներին, արյուն հանձնել, հարեւանին օգնել՝ եթե ուզում եք բարի գործ անել, ապա տարբերակներ հաստատ կգտնեք: Կարելի է անգամ ընկերներին ներգրավել: Բարեգործություն անելը վարակիչ է եւ միայն դրական զգոցություններ է առաջացնում:

7. Մասնակցել մաստեր կլասի

Հետաքրքրությունները տարբեր կարող են լինել, բայց միշտ կարելի է գտնել ձեր ճաշակին եւ հոգուն համապատասխան մաստեր կլաս ոու այցելել դրան՝ խոհարարություն, փայտագործություն, քանդակագործություն, նկարչություն եւ այլն: Արդյունքում կունենաք անմոռանալի վիքենդ, հաճելի ապրումներ եւ հիշողություններ:

8. Մեդիտացիայով զբաղվեք

Միացրեք հաճելի երաժշտություն եւ մեդիտացիա արեք, մաքրեք միտքն ավելորդություններից, եւ երկուշաբթի վերադարձեք աշխատանքի նոր էներգիայով եւ ուժով:

Հաճելի հանգիստ ձեզ:

Տաթեւիկ Սարգսյան