Հուլիսի 20-ը Շախմատի միջազգային օրն է
Չիգորի՞ նը, թե ՞ Մորֆին
Առողջական խնդիրներ ունեցող Միխայիլ Տալին սրսկելու համար՝ հարազատները ստիպված են եղել հաճախակի շտապ օգնություն կանչել:
– Միշա, ճիշտ է, որ դուք մորֆինիստ եք,- ինչ որ առիթով նրանից փորձել է տեղեկանալ համառ լրագրողներից մեկը:
Շախմատի արքայի փոխարեն մեկ ուրիշը գուցե և նման անտակտ հարցից նեղանար: Սակայն Միխայիլ Տալն այդպիսին չէր:
– Ինչ եք ասում, ինձնից ինչ մորֆինիստ, ես չիգորինիստ եմ,- լրագրողին պատասխանել է Տալը:
Վտանգավոր թռիչքը
Երիտասարդ տարիներին Մաքս Էյվեն բազմակողմանի սպորտսմեն էր. հանդես էր գալիս սիրողական ռինգում,մասնակցում լողի մրցումներին և նույնիսկ սպորտային ինքնաթիռի օդաչուի վկայական ուներ: Հոլանդիայում անցկացվող հերթական մրցույթի ժամանակ, խաղից ուշանալիս, չեմպիոնն իր մեքենայով զգալիորեն գերազանցում է սահմանված արագությունը:
– Ես այսօր, կարծես, չափազանց արագ եմ վարում,- իրեն կանգնեցրած ոստիկանին մեղավոր ժպտում է Էյվեն:
– Ավելի ճիշտ, դուք այսօր չափազանց ցածր եք թռչում,- ի պատասխան նշում է օրինապահը:
Անսասանը…
Մի անգամ Բոտվիննիկը իր նախկին սան Գարի Կասպարովին մեղադրում է այն բանի համար, որ վերջինս շախմատային գահը տանող ճանապարհից ավելորդ խոչընդոտը վերացնելու նպատակով հրաժարվելով հոր՝ Վայնշտեյն ազգանունից, վերցրել է մոր ազգանունը:
– Այ, ես այդ բանը չարեցի ու անսասան մնացի,- հպարտորեն նշել է նա:
– Իսկ ինչ էր ձեր մայրիկի ազգանունը, Միխայիլ Մոիսեևիչ,- հարցրել են նրան:
– Ռաբինովիչ,- ժպտալով պատասխանել է Բոտվիննիկը:
Կինը միշտ իրավացի է
ԽՍՀՄ 62 թվականի առաջնության ժամանակ Սմիսլովը վարպետ Արոնինի հետ խաղը հետաձգելուց հետո տանը համոզվեց, որ իր դրությունն անհույս է: Նա որոշեց զանգահարել դատավորին և իր պարտությունն ընդունել:
-Ոչ մի դեպքում,- առարկեց Նադեժդա Անդրեևնան,-դու պետք է պայքարես:
-Բայց ես ոչ մի շանս չունեմ:
-Ասացի, գնա և խաղա:
Սմիսլովը շարունակեց հետաձգված խաղը և այն ավարտեց ոչ ոքիով:
-Շնորհավորում եմ, Նադյա,-ասաց նա կնոջը,- դու ինձնրց լավ գնահատեցիր էնդշպիլը:
Մագնատը հույսերը չարդարացրեց
Մոսկովյան մրցաշարի ժամանակ ինչ-որ մեկը լուրեր էր տարածել, թե Կապաբլանկան ամուսնացած է ավտոմոբիլային մագնատ Ֆորդ-ավագի աղջկա հետ: Ելույթներից մեկի ընթացքում չեմպիոնին հարցրին այդ մասին:Վերջինս ժպտաց և սենսացիոն մի խոստովանություն արեց.
-Այո, ես իսկապես պատրաստվում էի Ֆորդի փեսան դառնալ, բայց ամերիկացի միլիարդատերը հույսերս չարդարացրեց` ավաղ, նա միայն որդիներ է աշխարհ բերել:
