2018 թվականի մարտի 29-ին Լեհաստանում ՀՀ դեսպանությունը և Լեհաստանում հավատարմագրված դիվանագիտական առաքելությունների ղեկավարների կանանց (ամուսինների) ասոցիացիան (SHOM) Վարշավայի Լեհ-հայկական հիմնադրամում կազմակերպել էին հայկական տառատեսակների զարդանախշերի բատիկի դասընթաց: Միջոցառումը վարել է Լեհաստանում ՀՀ դեսպանի կինը` Մարիաննա Ղազարյանը:

Միջոցառմանը մասնակցեցին Լեհաստանում հավատարմագրված մի շարք երկրների դեսպանների կանայք: Նրանցից յուրաքանչյուրը պատկերել էր Հայոց այբուբենի իրենց նախընտրելի տառը` սեփական նախասիրություններին համապատասխան գույներով:

Միջոցառման մասնակիցների համար կազմակերպվել էր նաև հայկական ուտեստներով հյուրասիրություն: