Չեմպիոնների լիգայում Եվրոպայի լավագույն ակումբի կոչման համար պայքարում «ոտքի վրա» է մնացել ութ ակումբ: 1/4 եզրափակչում պարտվողը լքում է մրցասպարեզը: Անգլիական, ֆրանսիական և պորտուգալական՝ մեկական, երկու գերմանական և երեք իսպանական թիմեր ապրիլից վերսկսելու են փառքի և փողի համար մղվող արշավը:

Առաջին հանդիպումները տեղի են ունենալու ապրիլի 5-ին և 6-ին, պատասխան խաղերը՝ 12-ին և 13-ին:

• Բավարիա» (Գերմանիա) – «Բենֆիկա» (Պորտուգալիա)
• Բարսելոնա» (Իսպանիա) – «Ատլետիկո» (Իսպանիա)
• Վոլֆսբուրգ» (Գերմանիա) – «Ռեալ» (Իսպանիա)

ՊՍԺ (Ֆրանսիա) – «Մանչեսթեր Սիթի» (Անգլիա)

Եվրոպայի լիգայի 1/4 եզրափակչում սպասվում է դիմակայություն, որը կզարդարեր մրցաշարի եզրափակիչը: Երկու ֆավորիտները՝ Դորտմունդի «Բորուսիան» և «Լիվերպուլը» մրցելու են ապրիլի 7-ին և 14-ին:

• Բորուսիայի» կազմում փայլուն խաղով աչքի է ընկնում Հայաստանի հավաքականի կիսապաշտպան Հենրիխ Մխիթարյանը, ով 2013 թվականին ուկրաինական «Շախտյորից» հեռանալուց հետո վերջապես ցուցադրում է իր լավագույն խաղը: Հետաքրքիր է, որ 2013-ի ամռանը Մխիթարյանը մոտ էր «Լիվերպուլ» տեղափոխվելուն, սակայն «Բորուսիան» ավելի համառ և առատաձեռն գտնվեց:

Ուշագրավ է նաև, որ «Լիվերպուլն» անցած տարվա աշնանից գլխավորում է Մխիթարյանի ֆուտբոլային «հոգեհայրը», անկանխատեսելի վարքով աչքի ընկնող Յուրգեն Կլոպը՝ «Բորուսիայի» պատմության ամենահաջողակ մարզիչներից մեկը:

Եվրոպայի լիգայի 1/4  եզրափակիչ փուլի զույգերն են.

• Բրագա» (Պորտուգալիա) – «Շախտյոր» (Ուկրաինա)
• Վիլյառեալ» (Իսպանիա) – «Սպարտա» (Չեխիա)
• Ատլետիկ» (Իսպանիա) – «Սևիլիա» (Իսպանիա)
• Բորուսիա» (Գերմանիա) – «Լիվերպուլ» (Անգլիա)