ՁՆԵՄԱՐԴՈւԿ 2018 ՓԱՌԱՏՈՆԸ՝ ՋԵՐՄՈւԿՈւՄ
Ջերմուկը հրավիրում է ձմեռային հանգստի սիրահարներին փետրվարի 17-18-ին մասնակցելու «Ձնեմարդուկ 2018՝ ձնե արվեստի փառատոն»-ին: Արդեն 6-րդ տարին անցկացվող փառատոնը Ջերմուկում համախմբում է Հայաստանի տարբեր համայնքներից ու արտերկրից այցելած հյուրերին ու զբոսաշրջիկներին:
Փառատոնի ընթացքում մասնակիցները նախապես հատկացված տարածքներում կպատրաստեն ձնե քանդակներ: Նրանք, ովքեր հեռու են քանդակելուց, կարող են իրենց փորձել սառցամագլցման ոլորտում՝ ակտիվացնել սրտի զարկերն ու մագլցել սառցակալած ժայռերի վրայով:
Փառատոնի ընթացքում նախատեսվում են՝
1. Սառցամագլցման սիրողական մարզումներ,
2. Slackline ցուցադրական պարապմունքներ,
3. Ձմեռային արշավի կազմակերպում,
4. Երեկոյան բացօդյա կրակներով պար:
Փետրվարի 18-ին փառատոնին նոր դրայվ կհաղորդեն հեծանվորդները: Այդ օրը նախատեսվում է
1. Հեծանվային Downhill ճոպանուղու վերևից,
2. Երգ, պարային ելույթներ,
3. «Մարզային գավաթ VIII» ձմեռային հեծանվային մրցաշար,
4. Ձմեռային խաղեր և այլն:
Հավերժ սառցակալած՝ Տաթևիկ Սարգսյան