«ՃԱՄՓՈՐԴԸ» ՆԱԵՎ «ՀԱՅՓՈՍՏԻ» ԲԱԺԱՆՄՈւՆՔՆԵՐՈւՄ
Շուրջ երկու տարի և մեր թերթի հարյուրից ավելի համար ձեռքից ձեռք ու տնից տուն է ճամփորդել՝ իր հետ ջերմություն ու լույս տարածելով: Երևանցիներն ու քաղաքի հյուրերը մեզ սպասում են ամեն երեքշաբթի, մեր գունեղ ու տաք էջերը փնտրում ավտոբուսներում, մետրոյի կայարաններում ու գրախանութներում: Գարնանային արևոտ ու պածառ օրերին, ծաղկունքին ընդառաջ՝ որոշել ենք մեր ընթերցողներին հանդիպել հենց դրսում՝ կանգառներում, այգիներում, փողոցներում ու բոլոր այն վայրերում, որտեղ սիրում ու փնտրում են մեզ:
«Ճամփորդը» ճանապարհ է ընկնում և շտապում օր առաջ հանդիպել իր ընթերցողին: Անակնկալ հանդիպումներն անպայման ձեզ դրական լիցքեր կպարգևեն, քանի որ մեր ու ձեր «Ճամփորդն» օրըստօրե ավելի է հասունանում, հարստանում, դառնում բազմազան և սիրով կիսվում ձեզ հետ:
Այսուհետ «Ճամփորդ» շաբաթաթերթը, ինչպես միշտ՝ անվճար, կարող եք ձեռք բերել նաև «Հայփոստի» բաժանմունքներում: Կոմունալ ծախսերի փոստային վճարումների, ծանրոցների ու նամակների առաքման ձեր հերթին սպասելիս՝ շաբաթաթերթը ձեզ կօգնի տանելի դարձնել սպասումը և չափսոսալ կորսված ժամանակի համար:
Մի խոսքով, շարունակեք ձեր ճանապարհը «Ճամփորդի» հետ ու վայելեք իրազեկ լինելու ձեր իրավունքը, նաև օգտակար տեղեկություններ քաղեք, հաճելի հանդիպումներ ունեցեք մեր էջերում: Մեր թիմն աշխատում է սիրով ու նվիրումով, ու փորձում ձեզ միայն դրական լիցքեր ու օգտակար գիտելիք փոխանցել : Միանգամայն վստահ ենք, որ միասին երկար ճանապարհ ունենք անցնելու:
«Ճամփորդ» շաբաթաթերթը հասանելի է լինելու հետևյալ մարզային փոստային բաժանմունքներում
- Արագածոտն – Աշտարակի կենտրոնական փոստային բաժանմունք
- Արարատ – Արտաշատի կենտրոնական փոստային բաժանմունք
- Արմավիր – Արմավիրի կենտրոնական փոստային բաժանմունք
- Գեղարքունիք – Գավառի կենտրոնական փոստային բաժանմունք
- Կոտայք – Հրազդանի կենտրոնական փոստային բաժանմունք
- Լոռի – Վանաձորի կենտրոնական փոստային բաժանմունք
- Շիրակ – Գյումրիի կենտրոնական փոստային բաժանմունք
- Սյունիք – Կապանի կենտրոնական փոստային բաժանմունք
- Տավուշ – Իջևանի կենտրոնական փոստային բաժանմունք
10 Վայոց Ձոր – Եղեգնաձորի կենտրոնական փոստային բաժանմունք
Երևանի հետևյալ փոստային բաժանմունքներում
Աջափնյակ – Լենինգրադյան 52
- Դավիթաշեն – Դավիիթաշեն հ/կ, Դավիթաշեն 1 փ., տուն 13
- Արաբկիր – Կոմիտաս 41, Ազատության 2, Կիևյան 4
- Քանաքեռ-Զեյթուն – Հ. Սվաճյան 32
- Ավան – Մ. Խուդյակովի 38
- Նոր Նորք – Գայի 19
- Նորք–Մարաշ – Կարախանյան 33
- Կենտրոն – Սարյան 22, 1 հարկ, Նալբանդյան 21, Բաղրամյան 26
- Մալաթիա–Սեբաստիա – Սեբաստիա 78
- Շենգավիթ – Գարեգին Նժդեհի 7
- Էրեբունի – Արցախի 4