Հայ լուսանկարչուհի Նազիկ Արմենակյանի լուսանկարների շարքը հրապարակվել է աշխարահահռչակ The New York Times պարբերականի էլեկտրոնային տարբերակում: “Survivors of the Armenian genocide”՝ «Ցեղասպանությունը վերապրածները» խորագրի ներքո ներկայացված են 20 լուսանկարներ՝ մարդկային ողբերգության մասին: Լուսանկարներն ուղեկցում են հերոսների պատմություններով և նրանց կարճ կենսագրականներով:

Հոդվածը պատմում է Նազիկ Արմենակյանի կատարած հսկայական աշխատանքի մասին. թե ինչպես է նա գյուղից գյուղ տեղաշարժվելով՝ գտել և լուսանկարել ցեղասպանությունը վերապրածներին: Պարբերականը նշում է, որ լուսանկարչուհին երբեմն ստիված է եղել աշխատել արցունքներն աչքերին՝

«Երբեմն ես ուզում էի հեռանալ, սակայն ես հասկացա, որ ցանկացած գնով պարտավոր եմ գարծն ավարտին հասցնել: Այս մարդիկ կարողացել են ապրել 100 տարի, բայց նրանք հավերժ չեն, և մի օր նրանց պատմությունը պատմելու համար կարող է արդեն ուշ լինել»:

The New York Times-ը խոսել է նաև Օսմանյան կայսրության կողմից իրականցված Ցեղասպանության մասին: Ինչպես նաև նշել է, որ ժամանակակից Թուրքիան հերքում է մոտ մեկ դար առաջ տեղի ունեցածը և խուսափում «Ցեղասպանություն» բառից:

Աղբյուրը՝ The New York Times