Բելառուսի հակամենաշնորհային կարգավորման և առևտրի նախարարությունը 7.6%-ով բարձրացրել է մայրուղային խողովակաշարով փոխադրվող ռուսական նավթի տարանցման գինը: Այս մասին հաղորդվում է գերատեսչության կայքում:

Նախարարությունում նշել են, որ տարանցման սակագինը այս տարվա փետրվարի 1-ից կինդեքսավորվի 7.6%-ով:

Գերատեսչության կայքում է նշվում է, որ նույնիսկ սակագների ինդեքսավորման դեպքում բելառուսական խողովակաշարերով նավթի տարանցման գները տարածաշրջանում շարունակում են մնալ «ամենացածրերից մեկը»:

Նախարարությունում նաև հիշեցրել են, որ Ռուսաստանի հետ հաշվարկներն իրականացվում են ռուսական ռուբլով: