ԱՇՈւՆՆ Ու ՍԵՐԿԵՎԻԼԸ
Սերկևիլն այն եզակի մրգերից է, որը նույնիսկ հասած վիճակում դժվարությամբ ենք կարողանում ուտել: Փոխարենը շատ համեղ է սերկևիլով թեյը: Բավական է մի կտոր սերկևիլ գցել թեյի մեջ, ու այն անմիջապես ձեռք կբերի անկրկնելի համ ու բույր: Իսկ եթե սրան ավելացնենք նաև մեկ գդալ մեղր, ամեն ինչ առավել քան հրաշալի ու օգտակար կլինի:
Հատկապես աշնանն արժի շատ սերկեւիլ օգտագործել, որովհետեւ այն
-բարձրացնում է դիմադրողականությունը,
-ունի հակաբորբոքային հատկություն,
-պարունակում է ածխաջրեր, յուղեր, սպիտակուցներ, վիտամին A, C, B1, B2, PP, երկաթ, կալիում, կալցիում, ֆոսֆոր, նատրիում:
-այն օգտագործում են ստամոքսի ու կերակրափողի բորբոքային հիվանդությունների ժամանակ,
-որպես պրոֆիլակտիկ ու բուժական միջոց սակավարյունության դեպքում,
-օգտակար է նաև սիրտ-անոթային հիվանդությունների ու բրոնխյալ ասթմայի դեպքում,
-լավացնում է ախորժակը,
-օգնում է ձերբազատվել բերանի տհաճ հոտից,
-սերկևիլն օգտակար է նաև գլխացավերի ժամանակ:
Սերկևիլի կորիզները հակահազային հատկություն ունեն:
-Սերկևիլի կորիզներով պատրաստված թուրմով կատարում են կոկորդի ողողումներ անգինայի դեպքում, ինչպես նաև այդ թուրմով կարող են թրջոցներ դնել կոպերին:
Չնայած օգտակար հակտություններին, սերկևիլն ունի նաև հակացուցումներ:
-Խորհուրդ չի տրվում օգտագործել փորկապության դեպքում,
-հակացուցված է ստամոքսի ու 12-մատնյա աղու խոցի դեպքում,
-սերկևիլի վրայի խավը կարող է առաջացնել հազ ու ալերգիա: