Robomart-ն առաջին ավտոմատացված խանութն է, որը թարմ բանջարեղեղն և միրգ է առաքում ձեր բնակարան՝ հեռախոսի հավելվածի միջոցով։ ԱՄՆ-ում 26-44 տարեկան կանանց շրջանում անցակված հարցումը ցույց է տվել, որ նրանց 65 տոկոսը պատրաստ է պատվիրել թարմ միրգ ու բանջարեղեն և գնումներ կատարել հենց խանութ-մեքենայից։ Համակարգն աշխատում է այսպես՝ հեռախոսի հավելվածի միջոցով դուք պատվիրում եք մոտակա խանութ-մեքենան, այլ գալիս է ձեր նշած հասցեով, դուք ընտրում եք ձեր նախընտրած միրգ-բանջարեղենը։ Մեքենան հաշվարկում է ձեր ծախսն ու ուղարկում հաշիվը՝ օնլայն։ Խանութ-մեքենաներն ավտոմատացված են, աշխատում են առանց վարորդի։

Սմարթ շուն
2018-ն անտարբեր չի թողնի տեխնիկայի սիրահարներին։ Արդեն իսկ աշխարհի խոշոր ընկերություններն առաջարկել են հետաքրքիր ու նոր լուծումներ՝ հաճախորդների սիրտը գրավելու համար։ Sony ընկերությունն, օրինակ, ներակայցնում է Aibo ռոբոտ շան բարեփոխված տարբերակը։ Այն կարող է գտնել ոսկորը, պարել, անգամ բարևել։ Aiboն կարող է ճանաչել մարդկանց՝ օգտագործելով դիմագծային ճանաչողության իր հնարավորությունները։ Այն ունի OLED աչքեր, որոնք ավելի իրական են թվում։ Aibo ռոբոտ շունն արժե 1740 դոլար։

Տաթևիկ Սարգսյան