«ԱՊՐԵԼ ԽԱՂԱՂ» (ՖՈՏՈՇԱՐՔ)
Օրերս Hi.Am բարեգործական հիմնադրամը և «Ապրել խաղաղ» նախագիծը ներկայացրին «Ապրել խաղաղ» խորագիրը կրող մանկական համերգային ծրագիրը՝ նվիրված հայրենիքին, զինվորին և խաղաղությանը: Նշենք, որ համերգը տեղի ունեցավ Հակոբ Պարոնյանի անվան երաժշտական կոմեդիայի պետական թատրոնում: Խաղաղության 12 փոքրիկ դեսպանները կատարեցին հայրենասիրական երգեր, հուզեցին հանդիսատեսին, բազմաթիվ հարցերի շուրջ մտորելու տեղիք տվեցին: Համերգն ավարտվեց «Ապրել խաղաղ» երգով: Տեսահոլովակում, որը կրում է նախագծի անունը՝ «Ապրել խաղաղ», անմեղ փոքրիկների աղոթքն է՝ ողողված խաղաղության լույսով:
Երգի հեղինակը երիտասարդ երաժիշտ Լիլի Գրիգորյանն է: Տեսահոլովակի երաժշտական ոճաբանն է Լիլիթ Բադալյանը, գործիքավորողը՝ Կարեն Մարգարյանը, ռեժիսորը՝ Գրիգ Վահրամյանը: Hi.Am բարեգործական հիմնադրամը ստեղծվել է 2001 թ. Նշան Աճեմյանի կողմից: Հիմնադրամի գործադիր տնօրենը Աշոտ Խուդավերդյանն է: Հիմնադրամի նպատակն է խթանել բարեփոխումները մշակութային, առողջարարական, սպորտի, արվեստի, կրթության, ինչպես նաև տնտեսական և բնապահպանության ոլորտներում: «Ապրել խաղաղ» նախագիծը մեկնարկեց անցյալ տարի:
Գոյ