Մի քանի օր առաջ Թուրքիայի Ադանա քաղաքում էինք: Արիանա Կաոիլի հեծանվարշավի հետագծի խոշոր քաղաքներից մեկն է Ադանա, որտեղ ապրում են տաքարյուն մարդիկ, իսկ Ադանայի քաբաբը անչափ հայտնի է մեր հարևան երկրում:

Մինչ Ադանան լքելը մենք որոշեցինք որոշ մրգեր գնել ամենասովորական շուկայից: Այնտեղ բացի միրգ-բանջարեղենից վաճառում էին նաև ձուկ և հագուստ:

Շուկայում գրեթե բոլորը ուրախությամբ լուսանկարվում էին: Լուսանկարներից մեկում կտեսնեք նաև Էրդողանի և նրա կուսակցությունից՝ տեղացի թեկնածուի բուկլետը՝ բադրջանների վրա դրված: Երկու դեռահաս բաժանում էին այդ բուկլետները, ինձ էլ տվեցին, թեև հատուկ նշեցի, որ տեղացի չեմ:

Թուրքիայի այս հատվածում շատ են սիրիացի փախստականները, քանի որ այն մոտ է Սիրայի սահմանին: Այս տղան նույնպես Սիրիայից է:

Երբ Արիանան հեծանվով մոտավ շուկա, հետաքրքրասեր երեխաներ հավաքվեցին շուրջբոլորը:

Գարեգին Ալեքսանյան