7 ՀԱՐՑ. ՍՈՆԱ ՌՈՒԲԵՆՅԱՆ
Երիտասարդ, տաղանդավոր աղջիկը հանրությանը հայտնի է դարձել մի քանի տարի առաջ՝ հաղթելով «Շանթ» հեռուստաընկերության «Հայ Սուպերսթար» հեռուստանախագծի 5-րդ եթերաշրջանում: Երգչուհին ներկա պահին նույնպես շարունակում է բոլորին հիացնել իր հմայիչ ու զուլալ ձայնով: Շուտով նա հանդիսատեսին կներկայանա իր նոր՝ «Արցախ» երգով: Երաժշտության հեղինակը ինքն է, խոսքերի հեղինակը մայրը՝ Արմինե Սարգսյանը: Նա պատրաստվում է նաև զուգերգով հանդես գալ Վահագ Ռաշի հետ:
– Ո՞րն է Ձեր նախընտրած մարզաձևը, ինչո՞ւ: – Շատ եմ սիրում լողալ, բայց այն ինձ համար ավելի շատ հանգստի և լիցքաթափվելու միջոց է։
– Ո՞րն է Ձեր նախընտրած օծանելիքը, ինչո՞ւ: – Վերջին շրջանում օգտագործում եմ միայն «Yves Saint Laurent»-ի բույրերը՝ «Manifesto»-ն և «Black Opium»-ը։
– Ձեր նախընտրած բույրը: – Սիրում եմ հանգչող լուցկու բույրը (ժպտում է,-խմբ.):
– Ձեր նախընտրած ձայնը: – Ծովի ալիքների ձայնը:
– Ինչի՞ց եք ամենաշատը վախենում: – Վախենում եմ արձաններից և մթությունից։
– Եթե ընդամենը երեք հանրահայտ մարդու ճաշի հրավիրելու հնարավորություն ունենայիք, ովքե՞ր կլինեին Ձեր սեղանակիցները: – Եռյակում միանշանակ կլինեին Յոհան Սեբաստիան Բախը, Սթինգն ու Կոմիտասը։
– Եթե հանկարծ հրդեհ բռնկվեր, և դուք հնարավորություն ունենայիք տանից միայն մեկ իր փրկել, ի՞նչը կընտրեիք: – Կփրկեի հեռախոսս (ժպտում է,- խմբ.):